Texts
Return to list | edit | delete | Create a new | history | Statistics | ? Help
Iisus ajau oslal Jerusalimah
Iisus ajau oslal Jerusalimah
Livvi
New written Livvic
1 Konzu
hyö jo lähettih Jerusalimua da tuldih Betfageih Voipuumäile , Iisus työndi ielpäi kahtu opastujua 2 da sanoi heile : "Mengiä vastalpäi olijah kyläh .
Sie työ kerras lövvättö emäoslan paččahah sivotunnu da sällyn sen rinnal .Keritäkkiä net da tuogua minule .3 Ku ken sanonou teile midätahto , sanokkua : "Ižändäle pidäy net , no Häi terväh työndäy net järilleh "".
4 Nenga rodih , ku stuanittazihes Jumalan iänenkandajan sanotut sanat : 5 – Sanokkua Sion-tyttärelei : Kačo , sinun suari tulou sinun luo !
Häi tulou hyväsydämellizenny , ajau oslal da ruado-oslan sällyl .
6 Opastujat lähtiettih da ruattih muga , kui Iisus oli käskenyh .
7 Hyö tuodih oslu da sälgy da pandih omua sobua niilöin selgäh , i Iisus istuihes niilöin piäle .
8 Rahvastu oli ylen äijy , i hyö leviteltih omua sobua dorogale , erähät katkottih puulois oksii da lykittih niilöi dorogale .
9 Hänen iel da jälles astujat rahvas kirruttih : – Osanna Davidan Poijale !
Blahoslovittu on Häi , kudai tulou Ižändän nimes !Osanna ylimäzes taivahas !
10 Konzu Häi tuli Jerusalimah , kai linnu rubei kuohumah i kaikin kyzeltih : "Ken Häi on "?
11 Rahvas sanottih : "Häi on Iisus , Jumalan iänenkandai , Galilein Nazarietaspäi ".
Iisus ajau oslal Jerusalimah
Livvi
New written Livvic