VepKar :: Texts

Texts

Return to list | edit | delete | Create a new | history | Statistics | ? Help

Arbaituspagin viinumuarjupellon vuogruajih näh

corpus: Biblical texts

Source:
Uuzi Sana, 2003, p. 31-32
Jevangelii Matfein mugah. Iisusan ruado Jerusalimas. 21.
(Mark. 12:1-12; Luk. 20:9-19)

Arbaituspagin viinumuarjupellon vuogruajih näh

Livvi
New written Livvic
33 "Kuulkua vie toine arbaituspagin. Oli yksi ižändy, kudai istutti viinumuarjupellon, luadii aijan sit ymbäri, kaivoi viinupuzerdamon i luadii vardoičuslavan. Häi andoi pellon vuograh viinumuarjan kazvattajile, a iče lähti toizeh muah.

34 Konzu tuli viinumuarjan keriändyaigu, työndi ižändy omii käskyläzii vuogruajien luo ottamah hänele kuulujua muarjuvuittii. 35 No vuogruajat tavattih hänen käskyläzii; kedägo perrettih, kedägo tapettih, kedägo kivitettih.

36 Sit ižändy työndi vie toizii käskyläzii, vie enämbän ku enzi kerral, dai niilöilegi hyö luajittih muga.

37 Jälgimäi häi työndi heijän luo oman poijan da sanoi: "Minun poigua hyö ei ruohtita koskie".

38 No konzu vuogruajat nähtih poigu, paistih hyö keskenäh: "Tämä on se, kudai suau pellon; davaikkua tapammo händy, sit myö suammo hänen tuatan muat".

39 Hyö tavattih händy, ribaitettih pellospäi aijan tuakse da tapettih.

40 – Konzu tulou viinumuarjupellon ižändy, ga midä häi sit luadiu nämile vuogruajile" kyzyi Iisus.

41 Hyö vastattih: "Häi luadiu niilöile pahoile pahan lopun i andau pellon vuograh toizile viinumuarjan kazvattajile, kudamat annetah hänele kuuluju muarjuvuitti aijoin aijal".

42 Iisus sanoi heile: "Ettogo työ nikonzu lugenuh Pyhis Kirjutuksis: – Se kivi, kudai koinluadijat hyllättih, rodih čuppukivekse. Ižändy on sen muga luadinuh, i se on kummu meijän silmis.

43 Sendäh minä sanon teile: Jumalan valdukundu otetah teil iäre, a annetah niilöile, kudamat eletäh Hänen tahtuo myöte. 44 [Ken tälle kivele langieu, se ruhjou omat luut, no kelle piäle se kivi pakkuu, sen lädžöttäy]".

45 Konzu ylimäzet papit da fariseit kuultih nämä Hänen arbaituspaginat, hyö ellendettih, Häi pagizou heih näh. 46 I hyö tahtottih ottua Händy kiini, no varattih rahvastu, ku rahvas piettih Händy Jumalan iänenkandajannu.

Матфей 21: 33-46

Russian
33 Выслушайте другую притчу: был некоторый хозяин дома, который насадил виноградник, обнес его оградою, выкопал в нем точило, построил башню и, отдав его виноградарям, отлучился.

34 Когда же приблизилось время плодов, он послал своих слуг к виноградарям взять свои плоды; 35 виноградари, схватив слуг его, иного прибили, иного убили, а иного побили камнями.

36 Опять послал он других слуг, больше прежнего; и с ними поступили так же.

37 Наконец, послал он к ним своего сына, говоря: постыдятся сына моего.

38 Но виноградари, увидев сына, сказали друг другу: это наследник; пойдем, убьем его и завладеем наследством его.

39 И, схватив его, вывели вон из виноградника и убили.

40 Итак, когда придет хозяин виноградника, что сделает он с этими виноградарями?

41 Говорят Ему: злодеев сих предаст злой смерти, а виноградник отдаст другим виноградарям, которые будут отдавать ему плоды во времена свои.

42 Иисус говорит им: неужели вы никогда не читали в Писании: камень, который отвергли строители, тот самый сделался главою угла? Это от Господа, и есть дивно в очах наших?

43 Потому сказываю вам, что отнимется от вас Царство Божие и дано будет народу, приносящему плоды его; 44 и тот, кто упадет на этот камень, разобьется, а на кого он упадет, того раздавит.

45 И слышав притчи Его, первосвященники и фарисеи поняли, что Он о них говорит, 46 и старались схватить Его, но побоялись народа, потому что Его почитали за Пророка.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages