Texts
Return to list | edit | delete | Create a new | history | Statistics | ? Help
Peittopakina ekšyneheštä lampahašta ta katonehešta rahašta
Peittopakina ekšyneheštä lampahašta ta katonehešta rahašta
Karelian Proper
New written karelian
1Iisussua kuuntelomah
tuli äijän veronkeryäjie ta muita riähkähisie .
2Farisseit ta sakonanopaštajat moitittih Häntä , šanottih : "Tuo Mieš ottau vaštah riähkähisie ta šyöy hiän kera ".
3Šiitä Iisussa šano heilä tämän peittopakinan : 4"Kun kellä teistä ollou šata lammašta ta yksi niistä ekšynöy , niin mitä hiän ruatau ? Tietyšti hiän jättäy ne yhekšänkymmentä yhekšän paimennušpaikalla ta lähtöy eččimäh ekšynyttä ta eččiy šini , kuni ei löyvä šitä .
5Konša hiän löytäy lampahan , hiän ihaštuu ta noštau šen harteillah . 6Kotih tultuo hiän kuččuu tovarissoja ta nuapurija ta šanou heilä : "Iloilkua yheššä miun kera ! Mie löysin ekšynehen lampahan ".
7Šanon teilä : niin on taivahaššaki . Šielä iluol'l'ah enämmän yheštä riähkähiseštä , kumpani kiäntyy Jumalan puoleh , mitä yhekšäštäkymmeneštä yhekšäštä hyväštä ihmiseštä , kumpasien ei tarviče kiäntyö .
8Tahi otamma naisen , kumpasella on kymmenen hopierahua ta hiän kavottau niistä yhen . Eikö hiän viritä lamppuo , pyyhi pirttie ta eči tarkkaseh , kuni ei löyvä rahua ?
9Šiitä hiän kuččuu tovarissoja ta nuapurin naisie ta šanou : "Iloilkua miun kera ! Mie löysin rahan , kumpasen kavotin ".
10Uškokkua pois , jotta šamalla keinoin iluol'l'ah Jumalan anhelit yhenki riähkähisen tähen , kumpani kiäntyy Jumalan puoleh ".
Peittopakina ekšyneheštä lampahašta ta katonehešta rahašta
Karelian Proper
New written karelian