Texts
Return to list | edit | delete | Create a new | history | Statistics | ? Help
Ku etto hyllänne riähkii, teidy hävitetäh
Ku etto hyllänne riähkii, teidy hävitetäh
Livvi
New written Livvic
1 Juuri
sil aigua Iisusan luo tuli rahvastu . Hyö saneltih Hänele galileilazih näh , kudamii Pilat käski tappua , konzu hyö tuodih Jumalale žertvoi , i heijän veri segavui žertvuelättilöin verenke .
2 Iisus sanoi heile : "Duumaičettogo , hyö oldih riähkähizembät toizii galileilazii , ku heile rodih nengoine surmu ?
3 Minä sanon teile , ei oldu ! No ku työ etto hyllänne riähkii da kiändyne Jumalan puoleh , työ kaikin sežo häviettö .
4 I net kaheksatostu , kudamile piäle kuadui Siloaman bašn՚u da tapoi heidy , smietittögo , hyö oldih viärembät toizii jerusalimalazii ?
5 Minä sanon teile , ei oldu ! No ku etto hyllänne riähkii da kiändyne Jumalan puoleh , työ kaikin sežo häviettö ".
6 Sit Iisus pidi heile nengozen arbaituspaginan : "Yhtel miehel viinumuarjupellol kazvoi smokvupuu . Häi meni eččimäh sit muarjua , no ei löydänyh .
7 Sit häi sanoi pellonkaččojale : "Minä jo kolmas vuozi tulen eččimäh täs puus muarjua , a en lövvä . Kua se , sehäi vai ottau muaspäi väin ".
8 No pellonkaččoi sanoi : "Ižändy , jätä se vie yhtekse vuvvekse . Minä pehmitän muan sit ymbäri da panen höst՚ötty juurile .
9 Toinah tulien vuon sih roih muarjua . A ku ei roinne , sit käske kuadua se "".
Ku etto hyllänne riähkii, teidy hävitetäh
Livvi
New written Livvic