VepKar :: Texts

Texts

Return to review | Return to list

Olimmo pavos

history

September 20, 2022 in 10:43 Александра Родионова

  • created the text
  • created the text translation
  • created the text: Minä olen rodinuhez Suures mäis enne voinaa. Sie i kazvoin, sie školah käin, sie opastuin. Maamo oli Nastasija Sem'onovna, taatto oli Varlamov Mihail Mihailovič. Meil oli äijy lastu. A lapset enne voinaa kuoltih. Däimmö vai kolmei, no yksi vie oli meile, konzu pagoh menimmö voinal. Sit sie zaboileiččih meijän yksi brihaččuine Van'a. Kuoli sinne, sinne panimmo maah, Sammatuksel. Ylen hyvät rahvas oldih sie, ylen hyvin vstreetittih. Sinne menimmö, baržu oli d'o lähtenyh, a myö däimmö sinne heile. Sie olimmo, a sit sanottih, što nikunne emmo päässyh, pidi lähtie därilleh kodih. Käännyimmö Mägih. Tulimmo, sie ylen suuri voinu zavodihes. Sit lähtimmö pagoh Rauhumägeh. Sie olimmo Rauhumäes. Sit d'o suomelazet tuldih da sit sanottih, nygöi täs rodie ylen suuret taistelut. Teile pidää mennä piiloh. Lähtimmö, sie oldih kuopat. Mečäs, olimmo mečäs. Sit laadittih havvolois nene, gu mökkizet rouno. Päivil olimmö sie, a konzu ylen äijäl ammuttih, sit olimmo kuopis.