VepKar :: Texts

Texts

Return to list | edit | delete | Create a new | history | Statistics | ? Help

Joga talois oli lehmy

Joga talois oli lehmy

Livvi
Nekkula
Joga talois oli lehmy. Erähäl vie oli vazagi karjas, a erähil eulut vie. Lehmienke oli ruadua: vezi lämmittiä, lehmät juottua, heinät andua, lypsiä, vazat juottua, lambahat juottua i mene ruadoh. A ruavoimmo joga päiviä, yksikai progulas emmo ollut žiivatoin däh da ruadoloin däh. Maijot kai söimmö da vie sdaičiimmo. Maidozavodu oli, sinne pidi vediä vie. Äijygo litrua pandih vie, vuota Seiččiekymen, onnuakko, litrua vie pidi vediä sinne gosudarstvale vuvves. A sit jälgimäi emmo sdainut jo, maiduo ei pidänyt. A sit syögiä libo myögiä, lypsiimmö. Lypsiimmö, onhäi hyväl ugoščeiniel se lehmy, pellol. Häi lähembä rubieu syömäh heiniä. A kos paimoi ottihäi, vedihäi meččäh viijele da seiččemele kilometrile, sie eihäi syödy vie, astujes haukattih, da mečäs ei heiny kazvanut. Sit oli vähem maiduo. A kos oldih peldoloil, ga sit normal’no, hyvin lypsettih.

Michurova, Nadezhda

В каждом доме была корова

Russian
В каждом доме была корова. У некоторых ещё и телёнок был в стаде, а у некоторых ещё не было. С коровами было работы: воду согреть, коров напоить, сено дать, подоить, телят напоить и иди на работу. А работали каждый день, все равно не прогуливали из-за скотины и работы. Молоко все съедали и еще сдавали. Молокозавод был, туда нужно было носить ещё. Сколько же литров назначали ещё, подожди Семьдесят литров, по-моему, ещё нужно было относить туда государству в год. А потом в конце концов не сдавали уже, молоко не нужно было. А потом ешьте или продавайте, доили. Доили, ведь на хорошем угощении та корова, на поле. Она вблизи будет траву есть. А когда пастух забирал ведь, отводил ведь в лес на пять и семь километров, там ведь ещё не ели, по дороге перекусывали, и в лесу трава не росла. Тогда было меньше молока. А когда были на полях, тогда нормально, хорошо доили.