VepKar :: Texts

Texts

Return to list | edit | delete | Create a new | history | Statistics | ? Help

Kaks’toštkümnevozne Iisus pühäkodiš

Kaks’toštkümnevozne Iisus pühäkodiš

Veps
41Iisusan kazvatajad käveliba kaikuččen voden Jerusalimha Äipäivän praznikale.

42Konz Iisusale oli kaks’toštkümne vot, mugažo läksiba Jerusalimha praznikale, kut kaiken-ki.

43Praznikan päividen lopus läksiba matkha tagaze, a Iisus-prihaine jäi Jerusalimha, i Josif i Iisusan mam ei homaičenugoi sidä. 44 lugiba, miše hän om toižiden matknikoiden keskes, i vaiše päivänmatkan lopus zavodiba ecta händast ičhižiden i tutabiden keskes. 45Konz ei löudnugoi, ka pördihe Jerusalimha ecmaha händast.

46Päliči koumes päiväs löuziba Iisusan pühäkodiš. Hän ištui opendajiden keskes, kundli heid i küzeli. 47Kaik, ked kuliba, midä hän pagiži, čududelihe hänen el’gendushe i vastusihe.

48Nägištades händast kazvatajad lujas čududelihe, i hänen mamaze sanui: «Poigaižem, mikš sinä muga tegid meile? Sinun tataiž i minä pahoiš meliš olem ecnuded sindai

49Iisus sanui heile: «Midä mindai ecit? Et-ik tednugoi, miše minei tarbiž olda minun Tatain pertiš

50No ei el’gendanugoi, midä hän tahtoi sanuda nenil sanoil.

51Iisus läksi kodihe heidenke, tuli Nazaretha i kundli heid kaikiš azjoiš. Hänen mamaze kaiči kaik nene sanad ičeze südäimes.

52Iisus kazvoi i sai mel’t, Jumalan armod oliba hänenke, i mehed navediba händast.

Лука 2:41-52

Russian
41 Каждый год родители Его ходили в Иерусалим на праздник Пасхи.

42 И когда Он был двенадцати лет, пришли они также по обычаю в Иерусалим на праздник.

43 Когда же, по окончании дней праздника, возвращались, остался Отрок Иисус в Иерусалиме; и не заметили того Иосиф и Матерь Его,
44 но думали, что Он идет с другими. Пройдя же дневной путь, стали искать Его между родственниками и знакомыми 45 и, не найдя Его, возвратились в Иерусалим, ища Его.

46 Через три дня нашли Его в храме,
сидящего посреди учителей, слушающего их и спрашивающего их; 47 все слушавшие Его дивились разуму и ответам Его.

48 И, увидев Его, удивились; и Матерь Его сказала Ему: Чадо! что́ Ты сделал с нами? Вот, отец Твой и Я с великою скорбью искали Тебя.

49 Он сказал им: зачем было вам искать Меня?
или вы не знали, что Мне должно быть в том, что́ принадлежит Отцу Моему?

50 Но они не поняли сказанных Им слов.

51 И Он пошел с ними и пришел в Назарет; и был в повиновении у них. И Матерь Его сохраняла все слова сии в сердце Своем.

52 Иисус же преуспевал в премудрости и возрасте и в любви у Бога и человеков.