Texts
Return to list | edit | delete | Create a new | history | Statistics | ? Help
Posdn'akova Ol’ga . Omas kois omat i hälyt
Posdn'akova Ol’ga
Omas kois omat i hälyt
Livvi
New written Livvic
EZMÄI
KEZRÄTÄ , SIT NIEGLUO
Joga pertis oli kuožali .Ei yksi ainavo !Oligi moni värtiniä da kartoi .Niidy kaikkie oli kylläl , hos toičigi lammastu liäväs ei olluh .
Kaikin maltettih kezrätä .Neidizel pidi maltua kezrätä vie enne miehele menendiä .Sehäi on tulien andilahan piälimäzii neroloi .Lambahii kerittih da kartattih villua puaksumabah ruavahat naizet kois , nuoret kezrättih .Ga yhtelläh kezrättih kaikin .Neičykät otettih kuožalit keräle ildukečoih , a buabat sil aigua kezrättih kois libo otettih kezriämizet keräle susiedan luo gostih lähtij es .Kerrytäh yhteh pertih susiedakset , pyöritäh värtinöi , taratetah paginoi .Muite nikonzu ei istuttu , käzis ainos oli ruaduo .Taratandat ei keskustettu pyöritändiä , vie pajattajesgi kezrättih .Konzu värtin oli kezrätty , kezriäjy kabrasti oman peredniekän nenga , ku lattiele ei puutus peredniekkäh kerdynyh vie pezemättömän kezrävön redu .Sit kezriäjy puistaldi peredniekän pihal .
Sit kezrävö kerittih kädeh da sivottih nenga , ku se olis helpombi pestä da langat ei segavuttas .Tuaste peredniekkäh kerdyi reduu .Sen jälles kezrävö pestih ei kylmäs vai viilies vies pezomuilal se-tämä kerdu da tavan mugah ei huuhtuttu .Pezomuilan duuhu pöllätti koidu .Villan kuivettuu lattiele kiättih kumualleh taburietku da pandih villat taburietkan nelläs jallas ymbäri , sit kerittih langu keräh .Langua voidih kezrätä sangiembi libo hienombi , kezrätes sen sangevuttu miä rättih sormel .Hienombas langas nieglottih žiliettöi , paidoi da alazii , sangiembas – sukkii .
Moine monimutkaine on ruado : keričendy , kezriändy , kerindy , pezendy , tuaste kerindy !On valmis !Voibi niegluo .Nieglondas kirjuttazin myöhembi , sih nähte minul voibi sanelta jogatoine Porajärven naine .
ÄIJYGO ON SINUL KAUHUA ?
Kauhua karjalazes talois sežo oli enämbi yhty .Yksi oli pertis , se oli kaivovezirengis libo ripui seinäl rengin luo .Toine oli käzästien rinnal da kolmas oli sie , kus varustettih syömisty kodižiivatoile .Toinah yhten liijan kirjutin , ga kaksi kauhua pertis oli vältämättäh .Vie yksi voi rippuo seinäl riehtilien lähäl , sit kauhas keitettih jäiččii da kuaššua lapsile .
Ielleh senčoi .Senčois oldih lavvat , kudamil seizottih dostalit kaivovezirengit .Yhtes niilöis rengis sežo "uideli " kauhu .
Astummo aittah .Siegi voi olla kauhu .Sih valettih maiduo hapattavakse , toinah ku olis helpombi sit valua hapainmaiduo toizeh astieh , a toinah sendähgi , ku muudu astettu ei olluh .
Kylys tavan mugah oli kaksi kauhua .Luvemmo : kauhattomas talois oli vähimäkseh kolme kauhua , kauhakkahas talois voi olla hos mi verdu kauhua .Kauhoin lugu ei rippunuh vaiku sit , oligo pereh köyhy vai rikas , ga sitgi , äij ygo rahvastu oli perehes .
Kuibohäi heinarrel ?Räkkisiäl juotattau .Milbo vetty ammuldat vezikaivos libo joves ?Karjalazet miehet maltettih punuo kauhoi tuohes .Tiettäväine , moizes kauhas vetty loitokse ei kanna , ga juvvakseh voibi .Sit se tuohine kauhu , ku se oli hyvä da luja , riputettih puuh da käytettih tulien vuon .
Nygöi lugekkua , äij ygo teij än duačal libo kodoilas on kauhua ?Minul on nelli .Vältäy .
Omas kois omat i hälyt
Livvi
New written Livvic