VepKar :: Texts

Texts

Return to list | edit | delete | Create a new | history | Statistics | ? Help

Zinaida Dubinina. Sinuh niškoi

Zinaida Dubinina

Sinuh niškoi

Livvi
New written Livvic
Sinuh niškoi, oma randu,
Midä voinnensidä ruan.

Karjalazen kielen pinoh
Hos ga halgozen ližiän.

A ku jogahine kandas
Sinne oman halgozen,
Toinah ei vie haudah pandas
Meijän sanoi kuldazii.

Anna meijän lapset kuultas
Omil pellon kujozil,
Libo järven selläl tyynel
Karjalazii pajozii.

Toinah yhtehizet juuret
Heile mieleh juohtuttas.

Toine toizele sit toinah
Vaiku hyviä tahtottas.