VepKar :: Texts

Texts

Return to list | edit | delete | Create a new | history | Statistics | ? Help

Valentina Libertsova. UNETTOMAT YÖT

Valentina Libertsova

UNETTOMAT YÖT

Livvi
New written Livvic
Moine rauhu yöhyt
Kodimuale tuli.

Pastau täyzi kuuhut,
Odva tunduu tuuli.

Pädöy lapsil muata,
Konzu tuatat rinnal,
Muamo lämmil käzil
Nostau kattiet reunal.

Eule undu silmis,
Konzu loitton poijat,
Ukot vaigies tilas,
Vellie kodih vuotat...

Joga yödy naizet
Malittuloi pannah,
Anna heijän miehet
Rikkomatoit tullah.

Toinah nägöy Jumal
Yöt net unettomat,
Andau abuu kylläl,
Vägie kestiä pahat...