VepKar :: Texts

Texts

Return to list | edit | delete | Create a new | history | Statistics | ? Help

Stanislav Tarasov. AKAN PAGINA

Stanislav Tarasov

AKAN PAGINA

Karelian Proper
New written Tver
Pagautalliin vanhua akkua
kačon istuu nän’kissä.

Kyžyin: "Eugo jygie takka?"
"Ei hiän pyzy nännistä..
Eule jygie, vara poiga,
jygie nygyzillä vain.

Yksi kažvau, nellä loi, ka ...
Mie nin kažvatiin, min šain.
Lapšie ennen šuadih äijän,
viiziin, kuužiin - kymmenen.

Lennettih ne hyvät aijat,
yhenke ka hyppelen.

Helman alda lapšen poisen,
monet suutkat nännittä.

Deskat’ tervehembi oisen,
maido muamuo kiinittäy.

Čiban maido, maido lehmän
muamon ečči kažvattau.

Tämä muamo kebieh ves’ma
lapšen saduh šuataldau.

On i vuatetta, i šyöndiä
pakkuojazet kavottih.

Ei šua keštiä lapšen luondua,
muamot ynnäh laihuttih.

Tožieh šano vanha piähyt,
naizet männäh obortah.

A myö heilä: "Kuin šie laihuit?
Etgo lähe kurortah!"