Texts
Return to list | edit | delete | Create a new | history | Statistics | ? Help
Miččen pidäb olda ”Kipinäle”
Miččen pidäb olda ”Kipinäle”
Veps
New written Veps
Kezakun
augotišes termišt-orfografine komissii kerazihe möst ühtes , miše pagišta vepsän , karjalan da suomen keliden erazvuiččiš problemoiš .Necil kerdal oli letud kaks’ küzundad : ”Kipinä ”-kulugendlehteses da uden vaihišton kävutandas openduzprocessas .
Termišt-orfografižen komissijan da ”Kipinä ”-kulugendlehtesen radnikad pagižiba hätken siš , miččen pidab olda ”Kipinä ”-kulugendlehtesele tulijas aigas , kut udištada sidä da leta sen painuzmär .Lopuks pättihe – pästta vähemb kulugendlehtesen nomeroid , tehta kaikutte nomer sanktemba , kus linneb enamba lehtpolid vepsän da karjalan kelil .
Pagištes toižes küzundas termišt-orfografižen komissijan radnikad starinoičiba urokoiden polhe .Erased heišpäi käveliba urokoile suomalaiž-ugrilaižehe školha .Sigä hö kacuiba , kut opendajad kävutaba ut vaihištod ičeze urokoil .Ištundal sanutihe , miše tarbiž tehta uzid sanoid edemba-ki , sikš ku pidab kehitoitta kel’t i teta ut vaihištod pagištes nügüd’aigaižiš problemoiš .
Miččen pidäb olda ”Kipinäle”
Veps
New written Veps