VepKar :: Texts

Texts

Return to list | edit | delete | Create a new | history | Statistics | ? Help

Premijad opendajile

Premijad opendajile

Veps
New written Veps
Necen kun augotišes openduzministerstvan radnikad tegiba opendajiden konkursoiden ühthevedoid. Konkursoiden nimi oliParahimad opendajad”. Toine niišpäi om tehtudOpenduz-rahvahaližen projektan abul, toineKarjalan valdkundan pämehen iniciativan mödhe.

Täl vodel nenihe konkursoihe ühtni 148 opendajad. Kaikid norembale opendajale om 26 vot, kaikid vanhembale – 61 voz’.

Openduz-rahvahaližen projektan abul, kudamb om tehtud Venäman prezidentan Vladimir Putinan käskön mödhe, kaikutte nelläskümnes kudes vägestajaspäi sab sada rubl’ad.. Vižkümne tuhad maksaba koumeletoštkümnele opendajale, kudambad vägestiba konkursas, mitte oli tehtud Karjalan valdkundan pämehen iniciativan mödhe.

Konkursoiden ühtnikoiden keskes om enamb augotižškolan opendajid, venän kelen da literaturan opendajid, no om vepsän da suomen kelen opendajid-ki. Muga konkursas, kudamb om tehtudOpenduz-rahvahaližen projektan abul vägestajiden keskes om suomalaiž-ugrilaižen školan vepsän kelen opendai Nadežda Kukojeva.

, ”Kodima-lehtesen radnikad, ozatelem Nadeždad vägestusenke i toivom hänele hüvid openikoid, surid satusid edemba-ki i kaiked hüväd.