Texts
Return to review | Return to list
Kiinalazien viizahus. 7
history
August 12, 2024 in 15:16 Нина Шибанова
- created the text
- created the text: Midä laškuos da joute olendas paistah Kiinas Aziet roitahes joute olendas. Kiirehel sovittu ruadoloin pluanu ei tuo hyvii tuloksii. Kai kymmene tuhattu aziedu voijah rikkovuo kiirehen periä. On tyhjy azii kiirehtiä, konzu taivahas on päiväine libo kuu. Istu mielihyväl, aziet loppevutah aijoinaijal. Kukat kukitah uvvessah, ga ristikanzu on nuori vaiku kerran. Aivot huvetah joute olendas, käit varatah liikumattomuttu. Hil’l’azeh hyvä tulou. Ei pie nagrua köyhii, vaiku laškoi. Istuo korgiel mäil tigroin torua kaččojes, libo kaččou ojan virdua nojaten sildua vaste. Nojaten vuottau hyviä ozua. Syvves varuau syvväkseh kuolendassah, ruadajes varuau ruadua väzyndässäh. Syömine magei, maguamine vie magiembi. Päivy joute olles, päivy ozan kel. Konzu uni on magiembi, taivas jo valgenou. Ken vai istuu da syöy, suau mäit tyhjenemäh da meret kuivamah.