Texts
Return to list | edit | delete | Create a new | history | Statistics | ? Help
Prinsessu, kudai uskoi kaikkii valehii
Prinsessu, kudai uskoi kaikkii valehii
Livvi
New written Livvic
Oli
kuningahantytär .Häi oli hyvä kielastelii , moine kielastelii , ku kai iče uskoi kaikkie , midä toizet kielasteltih .Kuningas uskaldi puolen omua valdukundua da tytärdy mučoikse sille , ken kielastas nenga , ku hänen tytär sanos : "Sinä kielastat !"
Sih aigah minä olis parrakas mies , otin keräle tovestajan miehen da lähtin kuningahan luo .Kuningahantytär oli tahnuos , konzu minä tulin , sanoin :
– Hyviä päiviä !
Se vastai :
– Jumalalpäi !
Sit prinsessu rubei sellittämäh , mittuine suuri oli enne hänel tahnut , kui äijy maiduo annettih lehmät da ku luajittih ylen suurii juustoloi .Tahnut oli moine suuri , ga konzu paimoinpoijat tahnuon kynnyksel torvie soitettih , tahnuon peräs se soitandu odva kuului .Lehmii lypsettih muga , ku kahten hengen pidi korvoidu kandua lehmän uale .Luajittih juustoloi , ga net ku jauhokivet oldih .Minä sanon :
– Suurigo se tahnut oli , äijängo maiduo net lehmät annettih , suuretgo net juustot oldih !Meil oli enne tahnut , ga konzu lehmy oli kiimas , häkki vie ei tulluh , a se kandoi .Lehmiä konzu lypsettih , pidi haudu kaivua muah da havvan reunale lehmy kullettua da sinne lypsettih .Juustoloi ku luajittih , ga net oldih ku pertit da vie suurembatgi .Minul oli vahnu tamma , sil sotkiettih juustuo , ga se tamma uppoi juustoh kogonah .Minä näin , ku ei hyvä olluh se , ku tamma juustoh uppoi .Seiččie vuottu ku juustuo syödih , ga vaste sit tamma löydyi .Minä otin tamman da lähtin račastamah , sit hänel katkei selgy .Minä panin puus luajitun uvven sellän da račastin taivahah .Sie oli Marija-neičyt palmikoimas omua piädy .Minä sanon :
– Kuibo minä tiäpäi piäzen ?
– "Hoo , sanou Marija . – Sinä , tiettäväine , piäzet tiäpäi , tartuta vai minun palmikko ičele nenäh , sit lasken sinuu ". Minä tartutin palmikon nenäh , palmikko katkei , dai minä puutuin reboin norah .
Minä sanon kuningahantyttärele :
– Sie noras oldih sinun muamo da tuatto , muamo oli tuatan kengii paikkuamas , a tuatto oli täis da ruves .Muamo löi händy korvale , ga ruvet pärskähtettihes .
Kuningahantytär kummastui , oli kodvazen iänetöi da sanoi :
– Sinä kielastat !Ei hyö nikonzu oldu reboin noras , hyö oldih kazvanuot kuningahallizis pertilöis !
Sildy , ku kuningas uskaldi puolen valdukundua da tyttären , da minul keräl oli tovestai , tuli pidiä svuad’bu .Sih aigah oli minul voilakki , bumuagutakki da st’oklukengät .Kolme päiviä syödih , juodih , da minä sain puolen valdukundua da kuningahantyttären mučoikse .
Täs suarnugi loppih .
Prinsessu, kudai uskoi kaikkii valehii
Livvi
New written Livvic
–
–
–
–
–
–