Texts
Return to list | edit | delete | Create a new | history | Statistics | ? Help
Švecova Darja . Korgi - pen' paimenkoir
Švecova Darja
Korgi - pen' paimenkoir
Veps
New written Veps
Korgi om
čudokaz koiran rod melentartuižen istorijanke .Kümnes voz’sadas korgiš sündui äi erazvuiččid legendoid da mifoid .Kuspäi oma nene čomad pened koirad , tedištagam ühtes .
Korgin sündundan legend
Korgin kodima om Anglia , Uel’s .Legendan mödhe korgid oliba uskoližed noididen abunikad .Pened koirad oliba kuti hebod , sikš nügüd’-ki korgil om muza läip sel’gäs .Neciš sijas ištuiba-ki noidad .Om toine-ki sarnaline istorii , kus starinoitas , miše lapsed käveltes mecas löuziba koiran pus , otiba kodihe , a vanhembilpäi tedištiba , miše nene koirad oma noididen abunikad .
Tedokacund korgin sündundaha
Nece om üks’ amuižiš koiran roduišpäi , sikš korgin sündundas om äi legendoid .Ezmäižed tedod necen penen koiran polhe oliba X-voz’sadal .Sen aigan kirjutesiš om tedoid , miše nece rod tehtihe lehmiden paimnen abuks .Lühüd da pen’ koir kebnas čuradase lehmiden sarvilpäi .Se purdi lehmiden jaugoid , muga vedi ned oiktadme tedme .
Om melentartušt , miše koiran rod oli lujas kalliž kodimal .Oli istorii , konz korgin rikondas koiran ižandad saiba värnikalpäi kogonaižen härgan .
Peniden paimenkoiriden heimolaižed oma mugoižed koiran rodud , kut norvegian špicad , samojedad , š ipperked i kejeshondad .Sil-žo aigal om tedoid , miše korgiden sündund oli toižiš roduišpäi – skandinavian koirišpäi , miččid vediba Uel’saha vikingad .
Kaks’ korgin rodsugud
Pit’kän aigan ei olend korgin jagadust kahtehe gruppaha : kardiganad da pembrokad .Vaiše vodel 1934 nene kaks’ rodud oli jagetud .Ned oma erazvuiččed kut irdnägol , muga tabal-ki .
Jelizavetan II korgid
Todesine tetabuz’ korgile tuli , konz vodel 1933 Sur’ Britanian tulii kunigaz Georg V lahjoiči ičeze tütrile Jelizavetale da Margaretale korgin kužud – ezmäi heil oli Duki , sid’ − Džein .
Jelizavetal II , konz hän tuli valdištimele , oli olnu enamba 30 korgid .Hän iče pidi hol’t koiriš .Koiril oli ičeze Korgin honuz , kus ned magaziba puzuiš , miččed ripuba lavan päl .
Kunigahan korgid oma tetabad kaikes mirus .Paksus niiden irdnägo om kuviš , vestatusiš da toižiš tehmusiš .Ozutesikš , vodel 2022 korgi oli kuvatud monetal Jelizavetan 55-sündundpäiväks .Vodel 2019 tuli eloho "Kunigahan korgi "-fil’m , mitte oli omištadud Jelizavetan II koirile .
Kacmata sihe , miše korgin sündund ei ole sel’ged , nece pen’ da čoma koir om lujas hüvä sebranik lapsile da aigvoččile ristituile nügüdehesai .Om-ik teil kodiživat ?Starinoikat niiden polhe !
Korgi - pen' paimenkoir
Veps
New written Veps