VepKar :: Texts

Texts

Return to list | edit | delete | Create a new | history | Statistics | ? Help

Ukoine da razbainikad

Ukoine da razbainikad

Veps
Central Western Veps
Ende eli ukoine da akeine.

Ukoižel da akeižel elend lapsid'.

Vanhtuiba, elend vonukoid'.

Eliba hii gol'l'as, ii tetut, kut eläda edelespei.

Ukoine reši mända mectamaha, možet sab kenennik, eläda linneb kebjemb.

Mäni mecha ukoine, sai tedren.

Astub tedrenke kodhe i kuleb paginanpagištasoi razbainikad.

Hän pöl'gastui, libui kushe.

Ištub kuzes.

Razbainikad tuld'he necen kuzennust, tegiba lämein', pand'he katleižen kehmaha kiitost.

Ukoine ištub kuzes.

Tirpi, tirpi, lähtob kuzi.

Kuzeškanzihe dei katleižehe.

Razbainikad pagištas:
- Sanutaze, elend sündud, a sünd om, näge miile katleižen töutab vedel.


Ištub ukoine kuzes i kacub, midä ratasoi razbainikad.

Razbainikad aveižiba šougun, šougus saiba pühkmen.

Pühkmele šouguspei viškeižiba kuudeižid pätakoid i kümenikoid.

Lugeškat'he.

Ukoine kacui, kacui i sordi tedren.

Tedr langen’ ani nenile pätakoile päle.

Razbainikad pöl'gästuiba: ken-se hiid homeičeb. Skokkahtiba dei uidho.

A ukoine päzui i kerazi pühkmen dengoideke i tuli akaižennu kodhe.

Nügude-ki eletaze akeine i ukoine čomin' i lukt'asoi vižnikad i kümenikad.

Старичок и разбойники

Russian
Жили-были старик со старухой.

У них не было детей.


Состарились они, внуков нет.


Жили они бедно, не знают, как им дальше жить.


Решил старик пойти на охотуможет, добудет что-нибудь, и жить будет легче.


Пошел старик в лес и добыл тетерева.

Идет с тетеревом домой и вдруг слышит разговорразбойники беседуют.


Он испугался и взобрался на елку.


Сидит он на елке.


Подошли разбойники к этой елке, развели костер и поставили на него вариться котелок с супом.


Старичок сидит на елке.

Терпел он, терпелпомочиться хочет.


Помочилсяда прямо в котелок.


Разбойники рассуждают:
- Говорят, что Бога нет, а Бог есть, видите, наш котелок водой наполняет.


Сидит старик на елке и наблюдает, что разбойники делают.

Разбойники развязали мешок, вынули оттуда скатерть.


На нее высыпали из мешка золотые пятерки и десятки.


Начали считать.


Старик смотрел, смотрел и выронил тетерева.


Тетерев упал прямо на эти пятерки.


Разбойники испугались: кто-то их заметил.
Вскочили да и убежали.

А старик спустился и забрал скатерть с деньгами.

Пришел домой к жене, и теперь живут старик со старухой хорошо и считают пятерки и десятки.