Texts

Kalevalan piirin nuorile ostettih uvvet soittimet

ноября 12, 2025 in 15:35 Александра Родионова

created the text
created the text: Kalevalan piirin muuzikkuškola kanzallizen Pereh-projektan mugah on suannuh uvvet soittimet, laittehistot da opastuskirjat. Kalevalan da Borovoin lapset nygöi suajah uvvet mahtot muuzikkah opastujes. Jo syvyskuun 1.^ päivänny 80 školaniekkua koitellah uuzii soittimii da laittehistuo. Kalevalan muuzikkuškola on avattu vuvvennu 1952. Sen opastujat ezitytäh piirin da tazavallan kilvois, yhtytäh paikallizih da federuallizih kul’tuurupidoloih. Školas ruadau kuuzi nerokastu opastajua, kuduat sežo yhtytäh tazavallan muuzikkupidoloih. Tänä vuon škola uvvisti omat laittehistot, on ostettu kolme soittuo, kolme akustiekkupianinuo, gituarat, pompotit, lyöndysoittimet, kannettavat tiedokonehet da opastuskirjat. Lähiaigua ostetah ližäkse nelli kandelehtu. – Uvvet soittimet annetah mahton korrendua soitandumaltuo, muuzikkujoukot voijah soittua vaigiembua repertuarua, soittoiäni samal aigua rodieu parembi, sanoi Karjalan piämiehen lehtistöpalvelule Nina Saburova, Kalevalan muuzikkuškolan piälikkö. Uvvet laittehet da soittimet annetah nuorile muuzikkumiehile parembat mahtot opastuo uvvet soitandutavat, soittua joukol da suuris projektois, valmistua konsertoi da yhtyö kilboih Kalevalan piirii da Karjalan tazavaldua eri tazoloil ezittämäs
created the text translation