Texts

Краткая Священная исторiя. Pyhienotandu ildu

ноября 14, 2025 in 10:49 Ирина Новак

created the text
created the text: Pyhien¦otandu ildu. Konzu tuli ildu, kudamannu Moisein zakonua myö pidi pidää Piäziäisty: Iisus Hristos sentäh meni Apostoloin kere gorniččah, varustettuh yhten Jerusaliman miehen kois. Täs pezi Häi Apostoloile jallat, jotta ozuttua heile Oman kezyön sikse, jotta i hyö oldas kezet. Täl illal Häi ennen päin tarkasti sanoi lähenijät tapahukset. Andoi tietä Oman myöjän; a Pedrile, kudai ozutti Ičen valmihennu kuolemah yhtes Hänen kere sanoi: jotta tämä Apostoli tänä yön, ennen kukoin laulandua, kolme kerdua pučih Hristas. Tämän yön aigua, muokkijen Omien, kuolendan i elävyndän musteltavakse i yhtes uskojien kere ainos Ičen oldavakse, azetti Häi suuren Puhien ottamizen Tainstvan. Häi otti leivän, blagoslovii sen, pilkoi, i andoi Apostoloile, sanojen: ottakuat, i syögiät, tämä on Minun hibju. Sen jälles otti čuašan viinan kere, blagoslovii sen, i andoi Apostoloile, sanojen: juoguat täs kaikin, tämä on Minun veri Uvven Liiton. Tädä samua nygöi¦gi toimitetah Jumalan lounallizil.
created the text translation