Texts

Return to review | Return to list

Краткая Священная исторiя. Hospodin meijän Iisusan Hristan muokat

history

ноября 14, 2025 in 13:06 Ирина Новак

• created the text: Hospodin meijän Iisusan Hristan muokat. Jälles sidä, kui Iisus Hristos azetti Pyhien ottamizen, meni Häi Gefsimanijan saduh. Sie algavuttih Hänen syväin¦muokat meijän riähkien ies. Häi tuskičči i igävöičči, i moliiheze veri¦higessah. Anheli tuli Hänen luo lujendamah Händy. Sen jälles Iudeit tuldih astavoin kere, otettih Händy kiini Iudan myöjän ozutandua myö, i viedih Iudein ylimäizien pappiloin luo, a sil välil Hänen opastujat paittih. Tänne tuldih valehtelijat Hänen piäle valehtelemah; no ni midä ei voidu tovesti ozuttua. Jälgimäi, konzu ylimäizen papin kyzymyksele: Jumalan¦go poigku sinä olet? Iisus vastai: sinä sanot, i ližäi, jotta terväh nähtäh Händy Jumalan voiman oigies puoles; silloin pandih Händy vigapiäkse kuolemah, lyödih rožii myö, i moneh luaduh haukittih Händy. Huondeksel viedih Händy suudoh Riman piälikkö¦miehen Pilatin luo Iudein muas. Häi nägi, jotta Ӏisus on oigei, i tahtoi piästää Hänen; no rahvas, Ylimäizien pappiloin yllytykses, tahtoi Hänen surmua. Pilatti käski lyvvä Iisusua, panna Hänen piäle ruskie¦sinizen sovan, i kiänetyn pystäjäs kukas venčan, i muga ozutti Hänen Iudeile, ajatellen, ei¦go muga heile tule žiäli Händy; no Iudeit huimuos iänettih: riputa Händy (ristan piäl)! Vieno¦mieline Pilatti andoi heijän vallan, pezi käit rahvahan ies sen tunnustuksekse, jotta häi tunnustaa Ӏisusan oigiekse. Iisusua viedih Golgofan mäin piäle, i sie riputettih ristan piäl kahten rozvon keskes. Yksi nämmis rozvolois, jo ristan piäl rippujes, tunnustui i sanoi Iisusale: mustoita minuu, Hospodi, konzu tulet Sinun Valda¦kunnas. Hospodi sanoi hänele vastah: tänä¦päivän Minun kere lienet ruajus. Rippujes ristan piäl, Ӏisus moliiheze Omien vihaniekoin ies, ihastutteli puhtahua Omua Emiä, i käski Apostolile Iivanale olla Hänen poijan sijas. Hänen muokkien aigua päiväine pimeni, mua särähtih, kivet hallettih, monet kuoliet elävyttih i jiävittiheze monile Jerusalimas. Jälgimäi Iisus sanoi: loppih, i andoi Oman hengen Jumalale, Omale Ižäle.
• created the text translation

ноября 14, 2025 in 13:06 Ирина Новак

• created the text