Texts

Краткая Священная исторiя. Hristan elävyndy (äijypäivy)

ноября 14, 2025 in 14:30 Ирина Новак

created the text
created the text: Hristan elävyndy (äijypäivy). Huondeksel, enzimäizenny päivänny Suovatan jälles, kudai nygöi on nimitetty Pyhäpäiväkse, erähät jumalallizet naizet mendih Hospodin Iisusan ruuhen luo, jotta voidua Hänen hibju miirol, midä ei ehtitty azuo muah pannes. Sil välil Anheli vieretti kiven, kudamal oli katettu Hospodin ruuhi. Vardoiččijat pöllästyttih sidä Anhelii i paittih. Miiron¦kandajat naizet nähtih ruuhi avatunnu i löytih sie yhtet Hospodin riizut. Anhelit jiävittiheze heile i sanottih, jotta Iisus, Kudai oli riputettu ristan piäl, elävyi. Jälles i iče elävynnyh Hospodi jiäviiheze naizile miiron¦kandajile, i Apostoloile, i monile äijän kerdua. Fomale, kudai ei uskonuh Hänen elävyndäle, Häi andoi kosketella Omat ruanat. Häi jiäviksendelih Apostoloile nellikymmen päiviä, pagizi heijän kere Jumalan Valdakunnan täh, uskaldi heile terväh Pyhän Hengen tulendan, käski heile mennä kaikkeh muailmah sanelemah Jevangelii kaikile rahvahile i ristimäh heidy Ižän, i Poijan, i Pyhän Hengen nimeh.
created the text translation