VepKar :: Texts

Texts

Return to list | edit | delete | Create a new | history | Statistics | ? Help

Краткая Священная исторiя. Pyhän Istorijan ližäyssanat Kirikön Istorijas

corpus: Monuments of writing

Source:
Начатки христiанскаго православнаго ученiя на карельскомъ и русскомъ языкахъ. Санктпетербургъ: въ синодальной типографiи, 1882, p. 57–60

Краткая Священная исторiя. Пӱгäнъ Исторiянъ лижäӱсъ-санатъ Кирикöнъ Исторiясъ

Пӱгäнъ Исторiянъ лижäӱсъ-санатъ Кирикöнъ Исторiясъ.

Ристиканзойнъ уско куммасти тèрвäхъ лэвiй кайккiэ муаилмуа мӱö; но монисъ пайкойсъ тирпи гäй монда вайвуамиста Iудейлойсъ и пақанойсъ.
Риманъ Императори (Кунинқасъ) Константинъ Суури, кудай кiäндӱй Христахъ Ристанъ туннуксèнъ нäқӱмизèнъ-каутè тайвагасъ, андой равгуонъ Христанъ Кирикöлэ и иче ристiйгèзè. Констонтинополинъ азуй гäй Ристиканзойнъ пiä-линнаксè омасъ Валдакуннасъ.
Константинополисъ Кiевахъ, Грецiясъ Веняяхъ, той Ристиканзойнъ усконъ Суури Княгиня Ольга; а сèнъ азèтты̀ Веняялъ и азуй тäмäнъ Валдакуннанъ пiä-ускоксè Суури Кнiäзю Владимiръ.
Кириккö я̈ллèсъ Апостолой тоймèсъ пӱзӱӱ Пӱгäнъ Кирьютуксèнъ и Апостолойнъ сананъ каутè, а эри-тапахтуксисъ, вiäрiй опастаiй кiэльдäмäхъ и эпäдуумiй селлиттäмäхъ, керäвӱтäхъ Керагмотъ. Керагмотъ оллахъ коқомуаллизèтъ, сè онъ, Паппилойнъ и усконъ-опастаièнъ кайкисъ муакуннанъ Кириккöлöйсъ керагмотъ, и пайкаллизèтъ, эйқа эринäйзèтъ, эрäгièнъ эринäйзièнъ кириккöлöйнъ паппилойнъ керагмотъ.
Ӱгексäнъ пайкаллизiй, и сèйччеменъ коқомуаллизiй керагмолой я̈тèтты̀хъ оматъ опастамизèтъ Кирикöнъ неувомизексè.
Энзимäйзièнъ кахтèнъ коқомуаллизièнъ керагмолойнъ, Никейнъ и Константинополинъ, эриксèхъ гоммахъ отèттава тоймитусъ онъ усконъ Символи, сè онъ, лӱгӱтъ кирьютусъ Ристиканзойнъ усконъ опастуксèнъ, кирьютèтту ойқiэнъ опастуксèнъ вардоймизèксè и валегъ-опастуксièнъ вiäриттäмизèксè.
Тäмä усконъ Символи онъ сèнъ-мойнè:
Минä усконъ ӱхтèхъ Юмалахъ Ижäхъ, Кайкенъ-пидäя̈хъ, тайваганъ и муанъ, нäқӱвäнъ кайкенъ и нäқӱмäттöмäнъ Луадiяхъ. И ӱхтèхъ Господихъ Iисусахъ Христахъ, Юмаланъ Айнавохъ Пойқахъ, Кудай Ижäсъ родiйгèзè эннèнъ кайккiй иқiй, Валкiэхъ Валкiэсъ, тодèхъ Юмалахъ товесъ Юмаласъ, ройннуогèзè, эй луаиттухъ, ӱхтèсъ олèмизèсъ Ижäнъ-кере олiяхъ, Кудаманъ-каутè кай онъ луаитту. Кудай мèйя̈нъ-тäхъ, инèгмизièнъ, и мèйя̈нъ спуасеннянъ-тäхъ тули тайвагасъ, и отты̀ мiэгенъ гибьянъ Пӱгäнъ Генқенъ-каутè Муарьясъ Нейды̀зèсъ и тули инèгмизèксè. Оли нуақлитту ристанъ-пiäлъ мèйя̈нъ iэсъ Понтiйскойнъ Пилуатанъ айқуа, и тирпи муокатъ, и оли гауватту муахъ. И элäвӱй колмандèнну пäйвäннӱ кирьёй-мӱö. И ноузи тайвагахъ и истуу ойқiэнъ пуолèнъ Ижiä. И уувессахъ тулоо куннивонъ-кере суудимахъ элäвiй и куолейлой, Гäнèнъ Валдакунналэ лоппуу эй тулè. И Пӱгäхъ Генқехъ, Господихъ элäндäнъ андаяхъ, Кудай Ижäсъ лäхтöö, Кудай Ижäнъ и Пойянъ -кере онъ кумарделтава и кiйтèттäва, Кудай пақизи Пророкойнъ-каутè.
Ӱхтèхъ Пӱгäхъ, коқомуаллизèхъ и Апостольскойхъ Кириккöхъ. (Минä) туннустанъ ӱхтèнъ Ристиндäнъ рiäхкièнъ простимизèксè. Вуотанъ куолелойнъ элäвӱнды̀ä и тулiянъ iя̈нъ элäнды̀ä. Аминь.
Х

Краткая Священная исторiя. Pyhän Istorijan ližäyssanat Kirikön Istorijas

Livvi
Old written Livvic
Pyhän Istorijan ližäyssanat Kirikön Istorijas.

Ristikanzoin usko kummasti terväh levii kaikkie muailmua myö; no monis paikois tirpi häi monda vaivuamista Iudeilois i paganois.
Riman Imperatori (Kuningas) Konstantin Suuri, kudai kiändyi Hristah Ristan tunnuksen nägymizenkaute taivahas, andoi ravhuon Hristan Kiriköle i iče ristiiheze. Konstontinopolin azui häi Ristikanzoin piälinnakse omas Valdakunnas.
Konstantinopolis Kijevah, Grecijas Venäjäh, toi Ristikanzoin uskon Suuri Knäginä Ol'ga; a sen azetti Venäjäl i azui tämän Valdakunnan piäuskokse Suuri Kniäzy Vladimir.
Kirikkö jälles Apostoloi toimes pyzyy Pyhän Kirjutuksen i Apostoloin sanan kaute, a eri tapahtuksis, viärii opastajii kieldämäh i epäduumii sellittämäh, kerävytäh Kerahmot. Kerahmot ollah kogomuallizet, se on, Pappiloin i uskonopastajien kaikis muakunnan Kirikkölöis kerahmot, i paikallizet, eiga erinäizet, erähien erinäizien kirikkölöin pappiloin kerahmot. Yheksän paikallizii, i seiččemen kogomuallizii kerahmoloi jätettih omat opastamizet Kirikön neuvomizekse.
Enzimäizien kahten kogomuallizien kerahmoloin, Nikein i Konstantinopolin, erikseh hommah otettava toimitus on uskon Simvoli, se on, lyhyt kirjutus Ristikanzoin uskon opastuksen, kirjutettu oigien opastuksen vardoimizekse i valehopastuksien viärittämizekse.
Tämä uskon Simvoli on senmoine:
Minä uskon yhteh Jumalah Ižäh, Kaikenpidäjäh, taivahan i muan, nägyvän kaiken i nägymättömän Luadijah. I yhteh Hospodih Iisusah Hristah, Jumalan Ainavoh Poigah, Kudai Ižäs rodiiheze ennen kaikkii igii, Valgieh Valgies, todeh Jumalah toves Jumalas, roinnuoheze, ei luajittuh, yhtes olemizes Ižän kere olijah, Kudaman kaute kai on luaittu. Kudai meijän täh, inehmizien, i meijän spuasen'n'an täh tuli taivahas, i otti miehen hibjan Pyhän Hengen kaute Muarjas Neidizes i tuli inehmizekse. Oli nuaglittu ristan piäl meijän ies Pontiiskoin Piluatan aigua, i tirpi muokat, i oli hauvattu muah. I elävyi kolmandennu päivänny kirjoi myö. I nouzi taivahah i istuu oigien puolen Ižiä. I uvvessah tuloo kunnivon kere suudimah elävii i kuoleiloi, Hänen Valdakunnale loppuu ei tule. I Pyhäh Hengeh, Hospodih eländän andajah, Kudai Ižäs lähtöö, Kudai Ižän i Poijan kere on kumardeltava i kiitettävä, Kudai pagizi Prorokoin kaute. Yhteh Pyhäh, kogomuallizeh i Apostol'skoih Kirikköh. (Minä) tunnustan yhten Ristindan riähkien prostimizekse. Vuotan kuoleloin elävyndiä i tulijan ijän eländiä. Amin'.

Краткая Священная история. Дополнение к Истории Священной из Церковной

Russian
Дополнение к Истории Священной из Церковной.

Христианство с большой скоростью распространилось по всему миру; но во многих местах претерпевало сильные гонения от Иудеев и язычников.
Римский Император Константин Великий, обращенный к Христу явлением знамения креста на небесах, дал мир Церкви Христовой и сам крестился. Константинополь сделал он Христианскою столицею своей Империи.
Из Константинополя в Киев, из Греции в Россию принесла Христианство Великая Княгиня Ольга; а утвердил его в России, и сделал господствующим вероисповеданием этого государства Великий Князь Владимир.
Церковь после Апостолов управляется Священным Писанием и Апостольским преданием, а в особенных случаях, для обличения лжеучителей и разрешения сомнений, собираются Соборы. Они бывают вселенские, то есть, собрания Пастырей и учителей веры из всех Церквей во вселенной, и поместные, или частные некоторых особенных Церквей. Девять поместных, и семь вселенских оставили правила свои в руководство Церкви.
Проведение двух первых Вселенских соборов, Никейского и Константинопольского, особенно достойно внимания, есть Символ веры, то есть, краткое изложение учения Христианской веры, сделанное для сохранения истины и в обличение ложных учений.
Этот Символ веры есть следующий:
Верую в единого Бога Отца, Вседержителя, Творца неба и земли, видимым же всем и невидимым. И в единого Господа Иисуса Христа, Сына Божьего, единородного, Иже от Отца рожденного прежде всех веков, Свет от Света, Бога истинного от Бога истинного, рожденного, несотворенного, единосущного Отцу, Им же все сделано.
Нас ради и нашего ради спасения, сошедшего с небес и воплотившегося от Святого Духа и Девы Марии и ставшего человеком. Распятого при Пилате Понтийском, и страдавшего, и погребенного.
И воскресшего в третий день по писаниям. И восшедшего на небеса, и сидящего по правую сторону от Отца. И паки грядущего со славою судить живым и мертвым, Его же царствию не будет конца.
И в Святого Духа, Господа, животворящего, Иже от Отца исходящего, Иже с Отцом и Сыном спокланяема и славима, глаголившего Пророки. В единую Святую, Соборную и Апостольскую Церковь. Исповедую единое крещение во оставление грехов. Ожидаю воскресенья мертвых. И жизни будущего века. Аминь.
Х
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages