ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Irina Mironova. Hänen runoiš kulub hol’ karjalan rahvahas

Irina Mironova

Hänen runoiš kulub hol’ karjalan rahvahas

вепсский
Младописьменный вепсский
Kanman Ut vot Karjalan rahvahaližes muzejas mäni praznikeht, mitte oli omištadud runoilijan Aleksandr Volkovan 85-voččen jubilejale.
Praznikehtal Aleksandr Volkovale anttihe Karjalan valdkundan rahvahaline kirjutai-arvnimi äivoččes satusekahas rados i sures panendas karjalan rahvahaližen kul’turan kaičendaha. Händast nimitadihe mugažo Voden 2013 meheks.
Aleksandr Volkov om Suren voinan veteran, Venäman kirjutajiden sebran ühtnik, Sampo-rahalahjan laureat, valdkundan kul’turan arvostadud radnik, Venäman da Karjalan valdkundan rahvahan elomišton arvostadud radnik.
Hän om sündunu karjalan kanzaha. Aleksandr Lukičan täht maman kelen kaičend om hänen elon päazj. Hän tegeb kaiken, miše rahvahan kul’tur i kel’ eläižiba i kehitoitaižihe.
Aleksandr Volkovan sädandradon erigoičuz om siš, miše hän kirjutab runoid karjalan kelen livvin paginal. Om paindud jo enamb kümned runokirjad. Mugažo hänen runoid paindas kollektivižiš kogomusiš, al’manahoiš, literaturkulehtesiš.
Ičeze sädandradon voziš hän painoi enamb 20 kirjad, kändi enamb 40 runod karjalan kelen livvin paginale. Hänen äjad kirjad tuliba tetabikš kut Karjalan valdkundas, muga toižiš-ki maiš.
Kut kirjutai hän ülenzoiti Karjalan ristituid, kudambad eläba täs. Hän abutab udessündutada arvostandad rahvahaližihe tradicijoihe da kul’turaha.
Ozatelem Aleksandr Volkovad udenke arvnimenke. Mugomad ristitud čomitaba meiden mad.