Тексты
Вернуться к списку | редактировать | удалить | Создать новый | История изменений | Статистика | ? Помощь
Galina Baburova. Tatan muštoks...
Galina Baburova
Tatan muštoks...
вепсский
Младописьменный вепсский
Tacin
ičein tühjän vändon ,
Hoštai sädeg sil’mhe löb .
Nägub , lopi tatoi radon ,
Čoman tortan käziš tob .
”Minun marjaine ” – hän sanub ,
Čukoib mindai , sebaidab .
Hänen süliš nagran ani ,
Pagenen – hän sabustab .
Tataha mä modol koskun ,
Hänen nena , sil’mäd , su .
Pagištas , ei edahaks ploduid
Tacib maha jablon’pu .
Rindati mö ištum ehtal ,
Lapsudes hän johtutab ,
Veslas räpätada kehtab ,
Laskvas tukad silitab .
Tatoi koli , käred tullei
Lehtest puspäi katkaiži .
Tühjüz’ fateraha tuli ,
Kibu hengen ratkaiži .
Kerd se oli jäl’gmäsine ,
Konz mä tatoin nägištin .
Siloi kaceg znamasine
Ukshe mindai kaimazi .
Sil’mihe mä kacuin tarkas ,
Muhahtin da läksin poiš ...
Uskon minä , tatoi armaz ,
Konz-se möst mö nägemoiš .
Tatan muštoks...
вепсский
Младописьменный вепсский