ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Armhale baboile

Armhale baboile

вепсский
Младописьменный вепсский
Keväz’kun 15. päiväl täudui 75 vot meiden armhale Žen’a-baboile. Ei sa sanuda sanoil, kut armastam i arvostam händast.
Jegenija Ivanovna Fotejeva om sündunu sures kanzas Ropajal. Hän om elänu Kalages igän. Sigä hän lopi školan. Školan jäl’ges baboi radoi lespromhozas. Lopi pedučiliščan. Äjak-se radoi päivkodiš kazvatajan. Pensijahasai hän radoi počtal.
Ičeze Žen’a-mužikanke hän tundištihe Kalages. Ühtes eliba 49 vot. kazvatiba kaks’ last. Nügüd’ hän eläb üksnäze. Baboil om viž vunukad i üks’ pravunuk.
Meiden baboi om lujas aktivine naine. Kaiken naprib abutada ristituile, mil voib. Baboi om vessel ristit, navedib pajatada, kaiken ühtneb külän praznikoihe.
Hän om lujas hüvä emäg. Pühäpäivin da praznikoin hän paštab erazvuittušt magukast emägust. Hän ei ištu azjata: kaiken tegeb miččid-ni kodiradoid pertid möto. Pertinno om rosanik, kus baboi kazvatab kartohkoid da erazvuiččid jur’kazvmusid. Hän ei varaida jügedoid radoid.
Sinun holeta da armastuseta ei oliži meil mugomad ozad! Armaz baboi, elä hätkemba! Olgha Jumal andab sinei vahvad tervhut da väged! lujas armastam sindai!