ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Galina Baburova. Ned kaičeba ičesaze vepsän rahvahan istorijad da hengelišt kul’turad

Galina Baburova

Ned kaičeba ičesaze vepsän rahvahan istorijad da hengelišt kul’turad

вепсский
Младописьменный вепсский
Uded kirjad: Prezentacijal avtorad starinoičiba, kut keraziba materialad uziden kirjoiden täht.
Sulakun lopus rahvahaližiden kul’turiden keskuses mäni uziden kirjoiden prezentacii.
Prezentacijal oli ezitadud kaks’ ut kirjad: keskregionaližen tedokonferencijan materialoiden kogomuzПравославие в вепсском краеda Nikolai Korabl’ovan i Tatjana Mošinan kirj, miččen nimi omПименовы: Династия предпринимателей, благотворителей, общественных деятелей”.
Paiči kirjoiden tegijoid prezentacijale tuli tedomehid, erazvuiččiden kul’turda openduzorganizacijoiden ezitajid, lehtmehid.
Vodel 2012 Petroskoiš mäni tedokonferencii, mitte oli omištadud Iono-Jäšezerskijan monastirin 450-voččen päiväle. Sigä pagištihe ortodoksižes uskondas vepsän mal. Tedoezitusid vumištiba Petroskoin da Piterin agjan erazvuiččiden tedo-, kul’tur- da openduzorganizacijoiden radnikad. Neniden tedoezitusiden material oli keratud ühthe, se mülüi-ki udehe kirjahaПравославие в вепсском крае”. Tedokirjutesiden avtorad starinoičiba tulijoile, kut kirjutiba niid.
Toine kirj starinoičeb Pimenovoiden kupcoiden perehes, miččen jüred oma Sokšuspäi. Läz kogonašt voz’sadad revol’ucijahasai Pimenovoiden pereh oli üks’ vägevišpäi da tetabišpäi perehišpäi Oloncan gubernijas. Necen tetaban sugun abul letud pertid da sauvotused čomitaba Sankt-Peterburgad da Petroskoid nügüd’-ki. Pimenovad tegiba suren panendan möndan, vezitransportan da mecazjoiden kehitoitandaha. Heiden sugun ezitajad oliba homaičijad kundmehed gubernijan istorijas. Vozil 1853-1855 Mark Pimenov oli Petroskoin pämehen. Vodel 1867 hänen plemännik Jefim Grigorjevič Pimenov oli valitud Oloncan gubernijan pämehišton ohjandajaks. A vozil 1870-1873 Jefim Pimenov oli Petroskoin pämehen-ki.
Kirjaha Pimenovoiden perehen polhe mülüi material erazvuiččiš Venäman arhivoišpäi i fondoišpäi. Erased azjbumagad oli ottud tedokirjutamižen täht ezmäižen kerdan.
Prezentacijale tuliba kirjoiden arvostelijad-ki Venäman Tedoakademijan Karjalan Tedokeskusen Kelen, literaturan da istorijan insitutaspäi da Karjalan rahvahaližes muzejaspäi. sanuiba ičeze mel’pidoid da tundmusid neniš kirjoiš. Kirjad oli tehtud dengoile, miččid jagadas Venäman Pohjoižen, Sibirin, Edahaižen Päivnouzman polen vähäluguižiden rahvahiden ekonomižehe da socialižehe kehitoitandaha. Kelen, literaturan da istorijan institutan tedonevondišt lujas äjan radoi sen täht, miše kirjad pigemba läksižiba eloho.
Prezentacijan ühtnikoil oli lujas sur’ melentartuz’ uzihe kirjoihe. pagižiba kirjoiden tarbhudes i znamoičendas. Oli sanutud äi lämid sanoid kirjoiden tegijoile. Prezentacijan lopus oli tehtud mugoine taričendtulijas vodes konkursalVoden kirjpidab tehta eriline nominaciiparahim kirj kodirandan istorijas”, miše mugoižed čomad kirjad voižiba vägestadas toine toiženke.
Spasib kaikile kirjoiden avtoroile mugoižiš čomiš lahjoiš vepsän rahvahale i Rahvahaližen politikan ministerstavale, miččen abul oli tehtud prezentacii.