Тексты
Вернуться к списку | редактировать | удалить | Создать новый | История изменений | Статистика | ? Помощь
Galina Baburova. Konz openduz om hüväks meleks
Galina Baburova
Konz openduz om hüväks meleks
вепсский
Младописьменный вепсский
Petroskoin
universitetas mäni etnokul’turine lager’ lapsile , kudambad opendaba vepsän , karjalan da suomen kelid .Sihe ühtniba 8.-10.klassoiden openikad erazvuiččiš Karjalan školišpäi .Lagerin tegijad uskoba , miše mugoine azjtego voib sündutada lapsiš taht opeta kodikelid tulijal-ki aigal .
Nel’l’ polenke päiväd kaik lapsed , eskai petroskoilaižed , eliba ühthižkodiš eriži ičeze kazvatajišpäi , ladiba olda ičenaižin .Heiden täht oli vaumitud melentartuine , no sen-žo aigan lujas täudeline programm .Neniš päiviš hö oleskeliba Karjalan rahvahaližes muzejas , Kantele-pertiš , Karjalan kelen , literaturan da istorijan institutas .Heiden täht oli tehtud erazvuiččid mastar’-klassoid da tundištoituzmatkoid Petroskoi-lidnadme .Lapsed vändiba Kyykkä-vändoho , kävuiba spektakl’ale Karjalan rahavahaližehe teatraha , ajoiba Šoutjärven etnografižehe muzejaha .Sišpäi kaikespäi om sel’ged – tusttuda ei olend aigad .
Paiči ilotuzprogrammad openikoile oli tehtud openduz-ki .Heile lugetihe melentartuižid lekcijoid .Tedomez’ L’udmila Ivanova starinoiči tradicionaližen karjalaižen sajan veroiš , Irma Mullonen – toponimijas , a P’otr Zaikov – karjalan kelen istorijas .
Päazjan , min täht lapsed kerazihe lagerihe , oliba kelen urokad .Kaikuččen päivän kaks’ polenke časud oli jagatud niile .Kelen urokoiden täht oli kuctud Petroskoin universitetan opendajad , kudambad opendaba sigä vepsän , karjalan da suomen kelid .Lapsed täutiba ičeze tedoid mugoižiš temoiš kut : ”Sija , kus elän ”, ”Minun rahvahan sömine ”, ”Tradicionaline sädo ”.
Kogonaz lagerin radho ühtni läz 30 last .Lapsiden keskes oli nel’l’ vepsläšt : kaks’ neičukašt Šoutjärvespäi – Lilija Dancova , Al’ona Kuznecova da kaks’ neičukašt Kalagespäi – Lidija Loginova da Julija Kirilina .
Jäl’gmäižel päiväl lapsed ozutiba ičeze kel’mahtoid adivoile , kudambiden taguiči oli-ki pidätud nece läger’ .Nene oma Rahvahaližen ministerstavan , Petroskoin universitetan , Opendusen ministerstvan , Lapsiden da norišton turizman keskusen radnikad .Kaik oliba ihastusiš .
Kezapästusiden augotiž oli mänetadud satusekahašti .Lapsed iče sanuiba , miše löuziba lageriš hüvid sebranikoid , saiba uzid melentartuižid tedoid .A nece om tärged , konz openduz om hüväks meleks .
Konz openduz om hüväks meleks
вепсский
Младописьменный вепсский