ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Julia Aprodu. Päipaštokahad päiväd vepsän lageriš Kalages

Julia Aprodu

Päipaštokahad päiväd vepsän lageriš Kalages

вепсский
Младописьменный вепсский
Kezalebu: Jo nelländen kerdan Kalagen keskškolas radab etnokul’turine lager’.
Hüvän veron mödhe Kalagen keskškolas openduzvoden jäl’ghe kezan augotšes oli tehtud etnokul’turine Päiväine-lager’. Se lahjoiči lapsile äjan ilod, tedoid da hüväd mel’t.
Täl vodel lager’ zavodi rata kezakun 3. päiväl i radoi nedalin. Lagerin pämehen oli Valentina Grekova. Vepsän lagerihe kävui 20 openikad toižespäi seičemendehesai klassahasai. Lapsiden täht Kalagen školan opendajad vaumičiba melentartuižen kul’tur- da ilotuzprogramman. Necen programman pätegendan oli kehitoitta lapsil melentartust ičeze penehe kodimaha, sündutada armastust vepsän rahvahaze, sen kul’turaha da kel’he.
Ezmäižel päiväl lapsed jagatihe poleti kahthe gruppaha. Kaikutte grupp oti ičeleze jouknimen, tegi embleman, valiči pämehen da kirjuti ičtazevedändan sändoid lageriš.
Jo ezmäine Muražmätilovänd ozuti, miše vanhembad lapsed kaikiš azjoiš abutaba penile, kaik lapsed oma üks’meližed i sebrastaba kesknezoi.
Lagerin ühtnikoil oliäi matkoid, mastar’-klassoid,voibuid da vändoid.Lapsed ajoiba Petroskoihe.Sigä kävuiba akvatikahada kinoho. Lapsilelujas tuli mel’he matkvepsläižidme külidme.Šoutjärven vepsän muzejanradnik Jevgenii Fotejev tegi tundištoituzmatkan Šoutjärven da Vehkojan kaikid čomembid tahoidme. Hän starinoiči meiden röunan istorijan polhe, a lopuks kucui lapsid muzejaha i vändi heidenke erazvuiččihe vepsläižihe vändoihe. ühtes lujas veslas mänetim aigad.
Lageriš lapsed surel tahtol kacuiba fil’manVepsläižen kodin südäin”. äjan tedištiba vepsän rahvahan veroiden polhe. Jäl’ghe fil’mad neičukaižiden da prihaižiden täht oli tehtud viktorin. Tarkad kacujad andoiba vastusid küzundoihe, kut ende vepsläžed lendiba pertid, midä mehil oli kodiš, keda ristitud pidiba tanhal.
Lapsed navediba väta irdal. Kaikid melentartuižemb oli Kyykkä-vänd školan stadional. Neciš vändos ühtnikad ozutiba väged, udatid da mel’t. Pagištas, mišeKyykkäom lujas vanh karjalaine vänd.
Kalagen eläi, hüvä emäg Ol’ga Lukijanova tegi lapsiden täht mastar’-klassan. Hän openzi lapsid paštmaha kalitoid, oikti tehmaha korid da panda südäimišton. Nened magukahad kalitad kartohkanke da šonsurimanke, miččid lapsed tegiba iče, lujas ihastoitiba kaikid.
Lagerin jäl’gmäžel päiväl oli lebumatk Änižen randale. Midä om paremba lebud londusel! Randal lapsed da aigvoiččed ištuiba nodjan kohtas da starinoičiba toine toižele, midä kaikuččele enamba tuli mel’he lageriš, midä jäi muštho. Kaik oliba hüviš meliš!
Lagerin nedal’ mäni teravas, no kaikutte päiv andoi lapsile ilod, uzid tundmusid da tedoid.