ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Darja Hil’. Kut pidab eläda?

Darja Hil’

Kut pidab eläda?

вепсский
Младописьменный вепсский
Kaik elon sändod, miččiden polhe lugem sadoiš da tuhiš kirjoiš, oma ani oiktad i sen taguiči tuskikahad. ladim tehta kaik niiden mödhe, sid’ pördamoiš enččihe aigmäričusehe i em navet’ koi iče ičtamoi. Tedatik mikš? Sikš miše em rižagoi niid südäimel, ned ei olgoi meiden.
Minai ei ole sel’ktoid principoid. Minei om 25 vot, i ned kehitoitasoi nügüdehesai. Siš ei ole nimidä hondod, i sidä ei sa huikteldas: elon filosofii sündub i kehitoitasoi vanhudehesai. Ken-se koleb sen taguiči i ei žalleiče, miše muga tegesoi.
kaik olem tägä adivod, no adivod voiba olda sulad i hondod. Miččikš adivoikš male tulit se om teile pätta. Jogahine meišpäi om tärged mirule, i voim jügedusita käta avaruden südäimes da irdal parembaks sijaks. Vai em voigoi...
elät vaiše nügüd’ i vaiše siš minutas. Uni ei kända ühten päivän toižeks, meiden elo om agjatoi päiv ( homaičet sidä, konz et magakoi öl). Sikštehkat nügüd’! Algat varastagoi! Algat žalleikoi nimiš i algat varaikoi! Otkat muštho, miše kaik ristitud südäimes oma lapsed, kudambad navediba kaiked melentartušt, navediba, konz heile tegesoi ilokahaks, navediba sebrastada ilma meletusita tühjiš azjoiš. Algat toivotagoi heile pahad, ved’ jogahine ristit om arvokaz, eskai kaikid hondomb.
I kaik (, Puškin, Einštein, da Vinci) jo kuverz’-se millionad vot olem elänuded ühten agjatoman päivän aigan. Tehkam sidä parahimaks!