ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Hulad kürzad Tal’ven täht (Venälaine starin)

Hulad kürzad Tal’ven täht (Venälaine starin)

вепсский
Младописьменный вепсский
Mamoi Van’oi-poiganke astuiba lumitedme lidnaspäi küläha. Äkkid tuli vastha čoma naine vauktas pövus.
Mamoi, kacu, mitte čoma tädi om! Kuspäi hän om? küzui Van’oi.
Ole hilläs, poig, nece om Tal’v.
Kuna astut? Lähtkam minunke adivoihe, vai varaidat mindai?
küzui Tal’v.
Tervhen, Tal’v. Minä voin mända sinunke, vaiše ezmäi ven poigan babannoks. Poig om völ lujas pen’, – andoi vastusen mam.
Hüvä, minä varastan sindai täs, ala manita, – sanui Tal’v.
Minä tulen pigai, – sanui mam da joksi küläha poiganke.
Bab jo varasti heid. Hän segoi kürzkežad jäl’gmäižes jauhospäi, valoi sidä rehtläle, tegihe sur’ hul kürz.
Tulgat pigemba, minun armhad! Ištkatoiš stolan taga da mujagat minun kürzad. Se om kuti läm' päiväine, – sanui bab.
Minä völ nikonz en ole mujanu ningomad kürzad, – ihastui Van’oi.
Naine seižui kesk pertid vähäižen da sanui:
Sögaha Van’oi, a minei tarbiž lähtta, minä rigehtin.

Bab ei tahtoind pästta händast, vaiše mam avaiži uksen i kadoi vauktas uhos.
Naine astui tedme da prostihe ičeze pertinke. Ka Tal’v-ki om lähen, tegihe völ vilumba da vilumba.
Siloi hän kulišti ičeze poigan änen:
Varasta, mamoi, varasta, Tal’v!
Minä toin teile kürzan! Ei sa mända adivoihe lahjata. Tal’ven pertiš om vilu, a baban kürz om läm’, da kehker, kuti päiväine. Se lämbitab teid!
Tal’v kacuhti kürzaha da muhahti.
Elägat, kevät varastagat! A minei tarbiž leta Pohjoižehe, – sanui Tal’v da kadoi.
Mamoi, mikš Tal’v ei otand minun kürzad? küzui Van’oi.
Tal’v tahtoi, miše sinä söižid necen kürzan hänen tagut, – nagroi mam.
Van’oi ei el’gendand nimidä, vaiše surel tahtol söi magukahan kürzan.