Тексты
Вернуться к списку | редактировать | удалить | Создать новый | История изменений | Статистика | ? Помощь
Mö arvostam ičemoi norut
Mö arvostam ičemoi norut
вепсский
Младописьменный вепсский
6.-7.
uhokud
Murmanskan Kul’turpertiš S .M .Kirovan nimel mäni vanhemban sugupol’ven sädandradon festival’-konkurs .Sen nimi om ”Mö arvostam ičemoi norut ”.Neche konkursaha ühtni 47 kollektivad Murmanskan agjaspäi .Meiden Randaine-fol’klorine grupp mugažo oli kuctud sihe .Kul’turpertin radnikad lujas lämäs vastsiba meid .Erižen spasibsanan tahtoim sanu-da Svetlana Vagancevale hüväs adivoičetuses .
Festivalin programm oli lujas melentartuižen .Ezmäižel päiväl mäni konkurs .Sil kaik tulnuded kollektivad eziniba surel scenal .Meiden pajojouk ühtni kahthe nominacijaha – pajatandmaht da maht väta instrumentoil .Žürijouk valiči 16 parahint kollektivad .Niiden keskes oli nimitadud meiden Randaineansambl’an da Karjalan arvostadud kul’turradnikan Pavel Petrovič Bobinan ezitused-ki .
Mugažo necil-žo päiväl mäniba koncertad lidnan toižiš sijoiš .Ozutesikš , Kodirandan muzejas , Leninatomjänmurendajal .Moloduški (Pol’arnii-lidn ), Rodnik (Tuloma-külä ), Randevu (Mončegorsk-lidn ) da toižed kollektivad ühtniba ühtes meidenke erazvuiččihe penižihe ezitusihe .Ezitusen jäl’ghe meiden täht oli tehtud ekskursii atomjänmurendajadme .Ekskursijan vedäi starinoiči meile siš , ozuti laivan erazvuiččid honusid da erištoid .Ehtal festivalin ühtnikad kerazihe ühthe jomha čajud da vändmaha Noruden receptvändoho .
Toižel päiväl varastim holiš ičemoi ezitust galakoncertal .Sihe ühtniba kollektivad , miččed vägestiba ezmäižel paiväl erazvuiččiš nominacijoiš .Pavel Bobin vändi karjalaižid da venälaižid motivoid .Kaikutte kollektiv napri , mi om väged , kut voib paremba ozutada ičeze mahtištoid da ičeze rahvahan kul’turan erigoičust .
Festivalin lopus mö saim diplomid da kitändkirjeižid ühtnendas .Meiden bajanal vändajad Pavel Bobinad pauklahjoitihe ezmäižen stepen’an diplomal .Gala-koncert lopihe čomal pajol Murmanskas .Jäl’ghe koncertad meiden kollektivan täht oli tehtud melentartuine ekskursii lidnadme .
Mö tahtoim sanuda äi spasiboid festivalin tegijoile kucundas da Rahvahaližen politikan ministerstvad rahatuges .
Mö arvostam ičemoi norut
вепсский
Младописьменный вепсский