ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Galina Baburova. Matk ümbri Skandinavias

Galina Baburova

Matk ümbri Skandinavias

вепсский
Младописьменный вепсский
Necil kezal Petroskoiš Änižen randal voi nägištada verhan man matknikoiden purehvenehid. Nene matknikad oma suomalaižed. tegiba suren merimatkan ümbri Skandinavias. Semendkus läksiba matkadamha ičeze purehvenehil Hilsinkišpäi ümbri Norvegijas, sišpäi pohjoižeheArhangel’skaha, sid’ Vauktad mertme läksiba Venäman südäinvedeheputuiba Vauktan meren Baltižehe kanalaha, sišpäiÄnižehe. seižutihe Petroskoiš erasikš päivikš.
Matknikoid oli ühesa mest. matkaziba koumel purehvenehel. Kaikuččes venehes om koume mest. Venehed oma kuti penikaižed pertižed, niiš om keitimpol’, pezuhonused, magaduzhonused, kartad, tedomašinad, eskai lebuhonuz televizoranke da kirjpaličidenke. Ühtel sanalkaik, mi om tärged ristituile elon täht.
Matknikoiden keskes om naine-ki. Naine kaikiš azjoiš om hüvä abunik. No nece ei znamoiče, miše hänel om vähemba radod. Hän tegeb venehes sidä-žo radod, mi mužikad-ki, vaiše hänel om ližaradhän keitäb sömäd. Elina Liukkonen ühtes ičeze mužikanke tegiba jo äi matkoid mirudme. No nece matk ümbri Skandinavias oli ezmäižen kaikiden neniden suomalaižiden matknikoiden täht. oma Fennoskandia Round 2016. eskadran ühtnikad. Matknikad mäniba enamba 3000 merimil’ad. Heiden matkoid tarkišteliba lehtmehed, heiš kirjutadas da starinoitas medias. Melinapurehvenehen kapitan Ilkka Liukkonen sanub: ” oli vajehtujan, paksus oleskeli sumeg, vihmui...no, ozaks, ei olend torokoid. nägištim äi čomid, čudokahid sijoid, vastsim melentartuižid ristituid. Kaikjal meid vastatihe lujas lämäs, tarjoitihe abud”. Petroskoin jäl’ghe matknikad tönduiba Süvärihe, sid’ Ladogaha, Ladogaspäi heiden matk mäni Neva-jogedme. Heiden planoiš om pörttas kodimale merivaldmoihe elokun lopus.