Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Filatova. Om-ik tärged valdale rahvahan mel’?
Maria Filatova
Om-ik tärged valdale rahvahan mel’?
вепсский
Младописьменный вепсский
Karjalan
küliden pämehed ei valikoi rahvahal , a pandas radsijale valdmehil .Neciš problemas jo amu holduba Karjalan rajonoiden administracijad .Änižröunan eläjile mugažo sanutas , miše pandud posadan pämez’ om paremb , mi valitud rahvahal .Tahtoiba-ik posadoiden eläjad iče valita pämest vai hökkahtuba , miše posadan pämehen sijale tuliži veraz mez’ ?
Sen polhe oli letud küzund Kalag’-posadas .
14.
päiväl sulakud Kalag’-posadas oli vedetud sessii , miččes pättihe , kut tulijal aigal linneb valitud Kalagen , Kaskezan da Toižegen pämez’ : linnebaik valičused vai pämez’ linneb valitud valdmehil .
Sessijale tuli kuz’ deputatad seičemespäi .Suimal oli sanutud , miše üks’ deputatoišpäi jäti ičeze valdoiktuded .Nel’l’ deputatad änesti ustavan vajehtusiš : hö tahtoiba , miše valičusid ei oliži .Kaks’ deputatad pidätihe , hö ei änestanugoi .Sessijal oli pättud : ustavaha pidab panda vajehtused , täl vodel pämehen valičusid ei linne .
Kut-žo muga tegihe ?Om-ik se tozi , miše rahvaz ei tahtoi iče valita tulijad pämest ?Kundeltihe-ik rahvahan melid ?
Kut mö tedištim , sen polhe pagištihe vaiše Kalag’-posadan eläjidenke .Nece vastuz oli tehtud Kalagen školas , miččen pämez’ om deputatoiden sovetan predsedatel’ .Vastusele tuliba školan opendajad .Kahesa mest ei änestand , ühesa hökkähtui heitta valičused .Kaskezas da Toižeges mugoižid vastusid rahvahanke ei olend tehtud .
Kalagen sessijale kacmata pahaze säha tuli Änižröunan pämez’ Aleksei Lučin .Hän sanui : ”Minä meletan , miše pandud valdmehil posadan pämest mö voim tarktemba kodvda , mö voim tarkištelda , kut hän radab ”.
Ken-žo tuleb pämehen sijale ?Linneb-ik nece mez’ vepsän malpäi vai veraz , tundmatoi mez’ ?Sessijal sanutihe , miše posadas linneb tehtud komissii , miččehe tuleba posadan deputatad .Hö valičeškandeba pämest konkursan pohjal .Sid’-žo sessijal sanutihe , miše vepsän man posadoiš ei ole vaumišt mest , ”Mö em kazvatanugoi hüväd kandidatad ”.
Sessijale tuliba posadoiden aktivižed eläjad .Jevgenia Fotejeva sanui , miše elo kodiküläs tehtihe jügedaks : ”Meil tal’vel ei kaik fonarid radaba .Rahvaz varaidab lähtta irdale , varaidab händikahid , kudambad oma sönuded kaik koirad .Meile , vanhembale pol’vele , om opal kacta , kut meiden kodiposad koleb ”.
Jevgenia lendi küzundan hudroiden fateroiden polhe .Rahvaz ei voi sada uzid fateroid , ei voi kebnas sada mad-ki sauvondan täht .
Äjan pagištihe kividen saskelmižen polhe .Mašinad kivenke ajeleba lujas paksus , ned murendaba mugaki pahad ted .Mikš ei sa tehta kožmused valdkunadan da kividen saskelmižen firmoiden keskes ?Aleksei Lučin sel’genzoiti rahvahale : ”Kividen saskelmižen firmad ei makskoi nalogad rajonan da posadoiden b’udžetaha .Mugoine om zakon .Koheta ted ei ole dengoid ”.
Sessijal pagištihe siš-ki , miše Kaskezas äi vozid ei voigoi tehta ted kaumišton pol’he .Ten piduz’ om vaiše 600 metrad , no nece te om tärged rahvahale .Sügüzespäi kezahasai kaumištole ei sa sadas .Neche da toižihe problemoihe valdmehed ei voinugoi löuta pätusid : ”Ka , mö eläm gol’l’as mas , mö eläm dotacijan sajan regionas ...Okha teiden posadoile putub hüvä ohjandai , kaik linneb hüvä ”.
Ken-žo ohjandaškandeb vepsläižid posadoid jo läheližel aigal ?Kaik varaidaba , miše nece linneb veraz mez’ , kudambale om üks’ kaik , mitte elo-oza varastab vepsläižid .No meletades muga kaik varaidaba da oma vaikti .Om-ik nece meiden vepsän rahvahan taba vai niken ei jo usko , miše midä-se voib vajehtada ?Kaik nece azj sündutab vaiše küzundoid .
Om-ik tärged valdale rahvahan mel’?
вепсский
Младописьменный вепсский