Тексты

Вернуться к списку | редактировать | удалить | История изменений | ? Помощь

Kirjav elo – nece om kebn!

Корпус: младописьменный подкорпус

Младописьменный вепсский, публицистические тексты

Источник: M. Oblakov, Kodima. № 7, (2017), с. 3

Kirjav elo – nece om kebn!
(вепсский)

1.-2. heinkud Petroskoiš mäni Venäman Holi-mujuiden festival’. Räk, päipaštokaz , veslad didžejad, lugematomad selfid da mujuiden äjuz’mugoižin jäba muštho nene päiväd.
Ei üks’ sada petroskoilašt tuli Kirova-avoinirdale, miše ühtneda Venäman mujuiden festivalile. Openikad, üläopenikad, kanzad da eskai vanhad ristitud kerazihe ühtes, miše süveta praznikan atmosferaha da udes rižada ičtaze holematomin lapsin da mujutada modod ičeleze da toižile ühtnikoile.
Erased neiččed vaumičiba praznikaks kartaižedSebadused”, ”Sebakam”. Veslad praznikanvedäjad iloiteliba rahvast hüväl muzikal da karguil. Heiden käskendan mödhe äi käzid taci mujuid ülähaks, mujuiden pölü azotihe il’mas, a sid’ lanksi jogahižen ristitun modoho, hibusihe, sobihe.
Enamba kaikid se tuli mel’he lapsile tacliba mujuid žaleičemata da erašti se muju lanksi ei vaiše ühtnikoile, no siriči mänijoile-ki.
Holi-praznik om tulnu Indijaspäi, sigä se praznuitas jo enamba 2000 vot. Europas mujuiden festivalid zavottihe vedäda ei amu: Gollandias da Germanias – 2012 vodespäi, Angliasvaiše 2013 vodespäi. Sid’-žo mugoižed azjtegod mäniba Meksikas da mugažo surembiš Venäman lidnoišMoskvas da Piteriš. Vodes päliči niihe ühtni enamba, mi 10 sur’t lidnad.
Venämas mujuiden festival’ täl vodel vedetihe 115 lidnas. Voimuz ilokahašti mänetada lebupäiväd irdal da sada hüvid tundmusid tuli äi eri-igäižid ristituid. Psihologad sanuba, miše kirjavad mujud hüvin painastaba nervoiden sistemaha, ližadaba rehedut da lahjoičeba hüväd mel’t.