Тексты
Вернуться к списку | редактировать | удалить | Создать новый | История изменений | Статистика | ? Помощь
Lašku Lawri
Lašku Lawri
карельский: ливвиковское наречие
Неккульский
Kuwlevai .
El’ettih
enne ukko da akku .
Heil oli kolme brihaččuw .
Brihačut oli suwret .
Eigo käwdü školah , eigo kawdü ni kunne , eigo maltettu ni midä .
Nu , tuattah sanow : "Pidäš mennä ruavole ".
"En malta !"
Muamah sanow : "Pidäš mennä pihale hot’ puikkua keriämäh ".
"En l’ähte !"
Ei l’ähtiä lapset , laškat ollah .
Nu hüvä , lapset oldih laškat .
(Kulkua , lapset , kaikil’e sanon !).
Nu laškat , kazvettih suwret .
Nu kazvetah suwret .
Pidäš mennä , kačo , pihale sinne .
"Mengiä , lapset , hot’ kalua ongittuat !"
"Emmo malta !"
"Ga lapset , ga mengiättö hot’ puikkua keriättö da käwgiä hot’ kohtas , kačotto , midä brihačut ruatah !"
"Emmo lähte !"
Nu hüvä .
Kazvettih , roittih hüä vahnat .
A diad’oi i sanow : "Oh , lapset , lapset , süätiin , lapsi-rukat , – sanow , – ordeh sah ".
Sanow : "Ga süätät , tuatoini , i pardah sah !"
"Süätiin , lapsi-rukat , pardah sah !"
"Ga süätä , tuatoini , i vahnah sah !"
"Ga ni kunne en voi lapsii tüändiä .
Ga nemme on kummat !
Midä nügöi ruadua ?
Brihačut , mengiättö kunne tahto , enäm en voi , jo on teil’ parrat harmuat ".
Brihačut l’ähtiättih .
Matkatah , matkatah .
Ei ni ken ota ruadoh : malta ni midä emmo .
"L’äkkä ruadoh meile ".
"En malta !"
"Mene nečine ruadoh ".
"En voi !"
"Nu et voi , ga voitgo juvva viinua ?"
"Mittuinebo on se viinu ?"
"Jua vai viinua , ga sit opastut !"
Valettih nengoine tilkaine viinua .
Kondroi ištuiheze , Lawri ištuw , Siidari ištuw sit čakkiine se iäs .
Dai viinat kolmei i juadih .
Juadih dai ruvettih pagižemah .
Ruvettih pagižemah , diad’oi kaččow : "Nemme poijat elavuttih !"
"Tuatto , midä sit meil ruadua , ga gu ni kunne meidü ruadoh ei oteta , ni kunne meidü ei priimitä , midä müä ruammo ?"
"Mengiät kaččuat , midä rahvas ruatah , sidäi tüä , kui nügöi ei oteta ".
Lawri sanow : "Tuatto , kuwle , tuatto , kunnebo meil l’ähtiä ?"
"L’ähtiättö hot’ , lapset , kalua ongittamah .
Lawri , ota , tuas sumču kainaloh , bokkah , mene ongita kalua ".
Heittih lahteh Lawri , rubei lahtes ongittamah .
Kondrоi sanow : "Ga , tuatto , midäbo minä ruan , ku olen vahnu , ni midä en voi .
Andanet leibiä palažen keräle ga lähten ".
"Mene , kohtas on pikkaraine mökkiine , – sanow .
Muwdu gu et d’o voi , ga iške hot’ ikkunua korvale , murenda , ga hot’ kengi andaw l’eibiä palažen , gu muwdu ni midä et voi ruadua ...".
L’ähti Kondroi kohtah .
Pl’ettižen humalas otti , gu iškihäi st’oklua – st’oklu i mureni .
Kondroi sinne i jowdui (en tiä , kuali vai elos on tänäpäigi , lašku Kondroi ).
A Silloin Siidari ?
Siidari tuli da ištuw , piä riputettu : "Tuatto , midäbo minä ruan ?"
"Midäbo sinä ruat , gu ištut tuas ?"
"Ga hot’ ištumah , kunne oliš ištuakseh ?"
"Mene ištoi sillan alle , kačo , kowz ku rahvas ajetah , da hot’ s’eibähäl klokuta , eiga lapsii varaita ".
Ištuw sillan al Silloin Siidari , seiväs käis .
Lapset ku juastahhäi : "Siidari-diad’oi , tiägo olet ?"
"Tiä , tiä !"
Kolotii , kolotii , kuwle vai , Silloin Siidari humalas , da sillan alle i pakui .
Siirdüi sinne , kirguw : "Lapsi-rukat , pomogiit’e men’a !"
Lapset nagretah , ei tiätä , mi on se "pomogiit’e ".
Häi siä kivil’öin keskes : kalat süädih jallat , ruakat süädih sel’l’ät .
Da sinne , kačo vai , silloin Siidari i meni .
Dai lahten Lawri meni , dai kohtan Kondroi : kunne liännöw sinne korbeh [kadoi ]: rotat , vai hiiret , vai mit liännöw süädü .
Lašku Lawri
карельский: ливвиковское наречие
Неккульский