ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Kekši logo Kyykkäliitolla!

Kekši logo Kyykkäliitolla!

карельский: собственно карельское наречие
Новописьменный севернокарельский
Karjalan tašavallan Kyykkäliitto jatkau kilpailuo, min tarkotukšena on šuaha käyttöh nykyaikani, omaluatuni, helpošti tunnuštaja ta šilmäh pistäjä logo. Kilpailu on alotettu 26. pakkaiskuuta 2017. Šen järještäjät šuatih käsiteltäväkši logon 13 varianttie.
Kilpailun arvoštelukomiisin issunto piettih 13. kevätkuuta 2017. Komiisissa oli viisi henkie:
Natalja Vorobei, Karjalan tašavallan Kyykkäliiton peruštaja ta järještön halličukšen jäšen,
Marija Kundoz’orova, Karjalan tašavallan Kyykkäliiton peruštaja ta järještön halličukšen jäšen,
Jevgeni Karakin, Karjalan tašavallan Kyykkäliiton peruštaja ta järještön halličukšen jäšen,
Jevgenija Makkojeva, taiteilija ta disaineri,
Natalja Sinitskaja, Oma mua -lehen piätoimittaja.

Kilpailun järještäjien toivomukšet:
Logon piiruštamisešša ota mieleh kilpailun ehot: šelkie logon kuva, mi kertou järještön toiminnašta oikein, värikuva (voit käyttyä yhtä tahi kahta värie) tahikka muššanvalkie kuva JPEGformatissa, tunnukšen kaikki pikkušeikat pitäy piiruštua tarkkah, olis hyvä, još tunnukšešša näkyis Kyykkäliiton kulttuuri- ta istorijallini pohja.

Elä käytä järještön karjalanta venäjänkielistä nimie šamašša logošša. Elä kirjuta järještön nimie piiruššukšen šiämeššä.
Luaji oman piiruššukšen šanallini kuvauš.
Kyykkä on liikehtä. Yritä näyttyä omašša piiruššukšešša pelin kulkuo tahi ihmisen liikehtä.

Muissa kilpailun lahjašta!

Voittaja šuau 10 000 rupl’an palkinnon. Kiitämmä pienillä lahjoilla vieläi muitaki miellyttävie ruatoja.

Järještön virallini venäjänkielini nimi: Региональная общественная физкультурно-спортивная организация "Федерация городошного спорта Республики Карелия" (Lyhennetty nimi: РОО "ФГСРК");
Järještön nimi varšinaiskarjalakši: Alovehellini yhteiskunnallini urheilujärještö "Karjalan tašavallan kyykkäliitto";
Järještön nimi livviksi: Alovehelline yhteiskunnalline sportujärjestö "Karjalan tazavallan kriukkuliitto".

Hyväh lykkyh!