ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Ol’ga Dubitskaja. Karjalaine kodi keskilinnua

Ol’ga Dubitskaja

Karjalaine kodi keskilinnua

карельский: ливвиковское наречие
Новописьменный ливвиковский
Kaikin tietäh, ku Petroskois, paiči monikerroksizii taloloi, on pienembästygi puuhistu. Onnuako vähä ken tiedäy, ku Petroskois vie on tovellistu karjalastu kodii.

Eräs niilöis on Suolusmäile, adresil Šuiskaja-piha, 14, on sijoitunnuhes karjalaine kodi. Pidäy mainita, ku sil pihal on moni karjalastu kodii, ga se, paginal olii, on myödävänny. Tämä kodi kuuluu Šuiskajapihan ansamblih.
Kerras, vai tiijustimmo, ku kodi on karjalaine, lähtimmö sinne.
Meidy vastai koin ižändyVasilii Nikolajevič Lažijev. Kodi tämä on suuri, kaksikerroksine. Koin oččuseinäs on galdari. Galdarin pohjas suau nähtä kirjutus – 1879 vuozi. Kui sanoi meile Vasilii Nikolajevič, se on vuozi, konzu taloi oli valmis kogonah. Srojittu tämä kodi on vuvvennu 1868.
Lažijevan kodi on kul’tuurine perindö. Vuvven 1971 tiedoloin mugah Karjalas oli 4444 mostu kodii, niilöis 11 oli Šuiskajapihal. Nygöi Karjalas on enämbi 4500 kul’tuurizen perindön kohtua, ga Šuiskaja-pihale jäi vähembi kodii, migu oli enne.
Lažijevien kois on nelli pertii, kaksi keitändypertii, pertiväli, tahnut, kai huonukset ollah yhten levon ual. Nygöi kois on kai mugavuksetkäymäl, hiilavu vezi, lämmitys.
Lažijevien molodoit ostettih tämä kodi jo ammui, vuvvennu 1999 da se oli ylen pahas kunnos. Silloi kodi oli vino, seinäs oli suuri loukko, erähät parretlahot, levo vajatti. Ižändäle pidi luadie suuri kohendamine. Kohendamizen periä, Lažijevat myödih kaifatieru, duačču da garažu. Den’gua kohendamizeh menetetti äijyenämbi puoldutostu miljounua rubl’ua ekspertukomissien tiedoloin mugah. Pidäy sanuo, ku valdivo andoi järilleh vaiku kolmanden vuitin den’gois.
Koin peräpuoli pidi riiččie da srojie uvvessah. Ga se oli jygei sendäh, ku tämä kodi on kul’tuurizen perindön kohtu, sidä pidäy kohendua vaiku kuavan mugah, kuduan luadi projektuorganizatsii. Paiči den’gua on vie eräs suuri probliemuon jygei löydiä hyvät rakendajat.
Viet da lämmöt sežo luajittih nygözet ižändät. Pidäy mainita, ku lämmitysbatareit nygöi ollah jogahizes pertis. Levo täs kois sežo on kohendettu, ikkunat on vaihtettu.
Nygöi pidäy vaihtua räystäspuut, net jo lahottih, ga vägie Vasilii Nikolajevičal jo ei tävvy.
Kois ymbäri on 15 sotkua. Muapalal on kyly, kuduan Vasilii Nikolajevič nosti iče niilöis parzis, kuduat jiädih koin peräpuoles da pani sih vahnat ikkunat. Koin rinnal on teplitsu, višn’u-, sliivu-, juablokkupuudu, tartukkii, sego muarjutuhjuo.
Vasilii Nikolajevič tahtou myvvä tämä kodi vaiku niilöile, ket tottu toven tahtotah pidiä karjalastu kodii hyväs kunnos. Tädä kodii kaččomah tulou äijy matkailijua da tostu ristikanzua. Täs kois vois ottua vastah turistoi. Vuiškal suau luadie vie moni pertii.