Тексты
Вернуться к списку | редактировать | удалить | Создать новый | История изменений | Статистика | ? Помощь
Uljana Tikkanen. Kaikilla löytyy paikka päiväsen alla
Uljana Tikkanen
Kaikilla löytyy paikka päiväsen alla
карельский: собственно карельское наречие
Новописьменный севернокарельский
Koko
pakkaiskuu Kalevalašša toimi Podrostok-leiri .Leirih ošallissutah lapšet , kumpaset jouvuttih vaikieh elä-mäntilanteheh .Podrostok-leirissä heitä autetah ratkaissa proplemoja ta opaššetah elämäh .
Kalevalan sosialikeškukšen šuurissa huonehissa riittäy paikkua kaikilla .Šielä on televisori ta šohvat šekä leikkioša , missä pienet tytöt voijah leikkie kuklasien kera .Leikkiessä tytöt opaššutah hoitamah lapšie .Hyö tiijuššetah , mitä pienet lapšet šyyvväh ta keitetäh heilä ruokua leikkihellalla .Kaikin hyö ollah Podrostok-leirin ošallistujat .Ta heilä löytyy paikka ei vain keškukšen tiloissa , kun koko muajilmaššaki .Šiinä lapšie autetah leirin opaštajat .
Koko pakkaiskuu nuoret tytöt ta pojat niin šanotuista proplemaperehistä elettih Kalevalašša .Heilä oli valmissettu šuuri ohjelma , kumpasešša oli muasteri-oppija , kävelyretkijä , matkoja nuapurikylih ta vielä äijän mukavua .
– Tämä ohjelma alko meilä vuuvven 2015 talvikuušša .
Šiih ošallistu 37 lašta Kalevalan piirin eri kylistä .Kaikilla lapšilla on proplemoja perehissä , hyö ei šuateta keškuššella tahi käyttäytyö hyvin .Leirie oli järješšetty jo kolmatta kertua ta nyt šiihi ošallistu kymmenen tyttyö ta poikua , Podrostokleirin psihologi-opaštaja Natalja Šaton šelitti .
Sosialiohjelmah ošallistu kaikkieštah 37 lašta Borovoista , Jyškyjärveštä , Kepalta ta Luušalmešta .Hyö vuorotel’l’en tullah Kalevalan leirih .Podrostok-leirin piätehtävänä on auttua nuorie , antua heilä sosiali-psihologista kašvatušta .
Leirin opaštajat kerrotah koululaisilla tupakanpolton , alkoholin ta huumehien proplemoista šekä mimmoista vahinkuo nämä pahat tavat voijah tuuvva .Šamoin lapšet tuttavuššutah erilaisih ammattiloih ta tiijuššetah , missä Karjalašša šuau opaštuo koulun jälkeh .Šen lisäkši tyttöjä ta poikie opaššetah laittamah ruokua , luatimah käsitöitä , hoitamah kotie .Heilä šamoin kerrotah omašta kotimuašta , järješšetäh retkijä paikallisih nähtävykših .
Koulun oppituntien jälkeh lapšilla järješšetäh harjotteluja , psihologisie tuntija .Ne autetah kuin koululaisie , niin ni opaštajie ymmärtyä nuorien proplemoja .Tytöt ta pojat opaššutah keškuštelomah , kuuntelomah toisie , löyvetäh yštävie .Šamoin leirissä lapšet opaššutah pitämäh huolta ičeštä .
– Leirin joka ošallistujalla on oma työ : hyö keitetäh , paissetah piiraita , peššäh latteita ta ašteita , šiivotah omissa huonehissa .
Kyllä , voimma šanuo , jotta tiälä hyö opaššutah elämäh ta tullah aikuhisiksi , korošti sosialiopaštaja Natalja Jakkonen .
– Varmasti , tämä leiri kehittäy tyttöjä ta poikie .
Heilä on helpompi keškuššella toisien lapšien ta aikuhisien kera .Leirin lopušša šen ošallistujat voijah kertuo omista vaikutelmista – hyö tullah yhteiskunnan ošakši , lisä-si Natalja Šaton .
Tämä ohjelma on šuositettu Karjalan kaikilla sosialikeškukšilla toteutettavakši .Varmašti , še auttau lapšie löytyä oma paikka muajilmašša .
Kaikilla löytyy paikka päiväsen alla
карельский: собственно карельское наречие
Новописьменный севернокарельский