Тексты
Вернуться к списку | редактировать | удалить | Создать новый | История изменений | Статистика | ? Помощь
Nadežda Vasiljeva. Torviorkesterin šoitto kuulu Kuittijärven ulapan yllä
Nadežda Vasiljeva
Torviorkesterin šoitto kuulu Kuittijärven ulapan yllä
карельский: собственно карельское наречие
Новописьменный севернокарельский
Šovanjälkini aika
ei ollun helppo , kuitenki musiikin harraštajat šuatih hankkie musiikkišoittimet : niitä oli orkesterissa riittäväšti ta kaikki ne oltih hyväššä kunnošša .Vaškisien puhalluššoittimien lisäkši orkesterissa kuulu klarnettija ta saksafonija .
Myöhemmin , 1960-luvulla , orkesterin johto-ohjakšet otti käsihis Veikko Pälli - nen , kumpani šiih aikah jo šuatto šoittua melkein kaikilla musiikkišoittimilla ta opašti šoittotaituo muita kalevalalaisie .
Monet ijäkkähät kalevalalaiset hyvin muissetah niitä aikoja , konša Kalevalašša toimi paikallini torviorkesteri .Entisinä vuosina še šoitti juhlallisie marššija vapputa Voitonpäivän kulkuilla šekä Lokakuun vallankumoukšella omissetuissa juhlatapahtumissa .Orkesterin esittämä musiikki – tangot , valššit , fokstrotit , pol’kat , padespanit – oli ylen šuosittu Kalevalan kulttuuritalon ta huvipuiston tanššiillačuissa .Šilloin myöhäseh iltah šuaten parit pyörittih tanššilavalla , a torviorkesterin šoitto levisi loitoš Kuittijärven ulapalla .
Kalevalan (šillosen Uhtuon ) orkesteri toimi vielä ennein Šuurta Isänmuallista šotua ta šovan loputtuo še jatko toimintuah .Šovan jälkeh Uhtuon Ryhjä-ošašša oli noššettu uuvven kulttuuritalon rakennuš .Še oli šiirretty šuomelaisien puoluššušlinjalta , mi šotavuosina kulki Uhtuon lähellä .Šilloin klubin ta šamalla torviorkesterin johtajakši tuli Art’om Jegorovič Sallinen .Hiän šai kerätä yhteh nuoret musiikkilahjakkahat prihat .Šovanjälkini aika ei ollun helppo , kuitenki musiikin harraštajat šuatih hankkie musiikkišoittimet : niitä oli orkesterissa riittäväšti ta kaikki ne oltih hyväššä kunnošša .Vaškisien puhalluššoittimien lisäkši orkesterissa kuulu klarnettija ta saksafonija .
Šeuruavalla 1950-luvulla orkesterin johtajina oltih Erik Rautio ta Ilja Vasiljev ta šiinä šoitettih V .Krasil’nkov , I .Nikutjev , F .Pirhonen , S .Vatanen , T .Martinov , S .Jaakkonen , N .Popov .
Myöhemmin , 1960-luvulla , orkesterin johto-ohjakšet otti käsihis Veikko Pällinen , kumpani šiih aikah jo šuatto šoittua melkein kaikilla musiikkišoittimilla ta opašti šoittotaituo muita kalevalalaisie .Orkesterih tuli uušie omatoimisie šoittajie : A .Rämä , I .Barilo , V .Mahovitski , V .Vasara , A .Novožilov , E .Melentjev , I .F’odorov , B .Lebedev , I .Piskunov , V .Remšu , P .Suudarinen , V .Sem’onov , G .Jakovlev , V .Kuzmin , V .Žigalo .Orkesteri oli ollun joka pos’olkan pruasniekan ošallistujana .Šamana aikana orkesterin kollektiivih alko yhtyö šotamiehie , kumpaset oltih šotapalvelukšešša paikallisešša rajavartijo-ošaštošša .
1970-luvun puolivälissä Kalevalan torviorkesteri rupesi pikkuhil’l’ua hajuomah .Entiset ošallistujat vanhettih eikä niijen tilalla löytyn uušie .Šilloin alko laulu - ta šoittoyhtyvehien kukoistamiskauši ta nuoret enemmän kiinnoššuttih kitaranšoitošta .Juuri šinä aikana orkesterin kollektiivi huomattavašti pieneni ta še šoitti rikenempäh vain hautajaisissa .
Kalevalan rajavartijo-ošaštošša peruššettih oma torviorkesteri 1980-luvun alušša , šen alkuhpanijana oli Nikolai Pivankov .Kalevalan rajavartijoošaštošša oli nuorie šotamiehie Moskovašta , Leningradista , kumpasien kešen oli äijän musiikkilahjakkahie ihmisie .Rajavartijolaisien orkesteri piäsi huippušuosijoh 1980-luvun loppupuolella .Šotamiehet , kumpaset šoitettih orkesterissa ša -manaikasešti esiinnyttih Poisknimiseššä laulu - ta tanššiyhtyveheššä .Kaikilla šoittajilla oli musiikkikoulutuš ta hyö yhyttih voimakkahah ammatilliseh šoittokollektiivih .Myöhemmin myö šaima kuulla heijän kuulusat šukunimet – Leonid Agutinista on tullun kuulusa muusikko ta laulaja , Valeri Strokov on Venäjän anšijoitunut artista , Vadim Kurivl’ov armeijan jälkeh šoitti Juri Ševčukin DDT-yhtyveheššä , Pavel Tankovit esiinty Amerikan monissa tunnetuissa jazz-yhtyvehissä , Konstantin Tsivil’ov toimi ohjuajana šekä estradiohjelmien ta radijojuontajana .
Valitettavašti nykyjäh Kalevalan torviorkesteri on jo istorijua , kumpaista myö harvah muistelemma .Vaikka orkesterin entiset ošallistujat oli moničči ehotettu peruštua še uuvveštah .Esimerkiksi , Gennadi Jakovlev aktiivisešti toimi täššä šuunnašša , kuitenki hiän ei kerinnyn toteuttua meininkieh .Viime vuotena Gennadi Pavlovič šiirty tuonilmasih .
Torviorkesterin šoitto kuulu Kuittijärven ulapan yllä
карельский: собственно карельское наречие
Новописьменный севернокарельский