ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Olʾga Smotrova. Livuttua kieleh piirustamal

Olʾga Smotrova

Livuttua kieleh piirustamal

карельский: ливвиковское наречие
Новописьменный ливвиковский
Suomelas-ugrilazen školan enzimäzen kluasan opastujat kučuttih gostih Kipinä-žurnualan ruadajii. Hos lapset vai enzimästy vuottu opastutah karjalan da suomen kieldy, hyö jo äijän tietäh omas tulies kieliopas- tuksen abuniekasKipinä-žurnualas.

Lapsii kummatuttiKipinänpiätoimittajan Jana Filimonkovan kerdomus žurnualan luadimizeh nähte. Mittuman suuren ruavon pidäy ruadua sih niškoi, ku žurnualu piäzis ilmoih! A min verdu rahvastu yhtyy yhten noumeran luadimizeh! Toiči piäl kahtenkymmen hengie, opi vai duumaija! Yhtet kirjutetah, toizet piirustetah, kolmandet kohendetah, vie painetah da leikatah. Kipinäntoimittajien kyzymyksih žurnualan valmistamizeh nähte lapset maltettih kerras da oigieh vastata.
Mih niškoi enzimäzekse toimittajil pidäy luadie moine mustu-valgei žurnualu? kyzyy toimittai Oksana Čurigina da ozuttau tavallizel bumuagal printeral painettuu žurnualua.
Ga enzimäi pidäy kai kohendua, a ku hairahtustu roinnou, vastattih opastujat.
Yhtelläh toimittajien ruado rodieu mielužembi da kebjiembi, ku žurnualan luadimizes ruvetah auttamah iče sen lugijat.
Täl kerduaKipinäkuhkutti omii pienii lugijoi piirustamah kaksi čomua kezäkuvua žurnualan keskisivuloile. Sih niškoi lapsil oli annettu sanat karjalan kielen kahtel murdehel da suomen kieldy opastujilesuomen kielel. Sanoin mugah pidi piirustua ezinehet da luonnon ilmivöt. Muga, sanommo, lapsien yhtele joukole oli annettu sanat livvikse: pilvi, meččy, jogi, veneh, griba, muarju, kajoi. Toizen joukon lapset piirustettih čomaine vienankarjalazien sanoin mugah: päivä-ni, talo, aita, koira, lampi, kala, kukkapenkki. Mittuine kuva rodih opastujil da kaikkiigo sanoi hyö ellendettih oigieh, suau nähtä karjalankielizenKipinänoraskuun noumeras.
Kipinäntoimittajat passiboijah Suomelas-ugrilazen enzimäzen kluasan opastujii hyväs urokas da avus žurnualan valmistamizes.