Тексты
Вернуться к списку | редактировать | удалить | Создать новый | История изменений | Статистика | ? Помощь
Erkki Tuomi. Tuliko Kalevalah “Šinivalaš”?
Erkki Tuomi
Tuliko Kalevalah “Šinivalaš”?
карельский: собственно карельское наречие
Новописьменный севернокарельский
Kalevala-pos’olkan vanhemmat
, yhteiskunta ta opaštajat ollah vakavašti huolissah piirin teiniikäsien uuvvešta “harraššukšešta ” noin šanotuista “kuoloman ryhmistä ” sosialiverkoštoissa šekä online-pelilöistä , missä lapšie pakotetah luatimah miärättyjä tehtävie , kumpasista viimeni käšköy peluajua tappua iččieh uhalla tappua heijän heimolaisie tahi kaverija .
Kalevalan keškikoulun opaštajien šanojen mukah , tänäpiänä noin kymmenen teini-ikäistä ollah epäilykšen alasina ošallistumisešta šemmosih pelilöih .Prosessih jo šekauvuttih oikevukšienvalvojat laitokšet ta piirin prokuratura .Novosti Kalevali -lehti ta piirikeškukšen Yhtenäini valvontapalvelu kiännyttih vanhempien puoleh pyynnöllä šeurata teini-ikäsien toimintua internetissä ta erityisešti sosialiverkoštoissa .Šemmoset ilmotukšet ilmeššyttih koulušša ta pos’olkan eri paikoissa .
Omien yštävien , ikäkaverien , luokkatoverien “epäkummallisista harraššukšista ” ilmotetah ni iče teini-ikäset .Hyö kerrotah , jotta eryähillä lapšilla miellyttäy tällä keinoin kut’kuttua omie hermoja ta näyttyä “jylkeiltä ” ikätoveriloih verrattuna .
Pedagogit ta psihologit šanotah , jotta lapšien kiinnoššušta šemmosih vuarallisih resurssiloih voit šelittyä teini-ikäsien mielenluavun reaktijona yksinäisyöh , etähykšeh vanhemmilta , yštäviltä , sosialitoiminnalta šekä šyventämisellä internettih .On yhteyš šiihki , jotta yhteiskunnašša on sosialini eriarvoisuš , jakauvunta pohattoih ta köyhih , ta erittäin teräväšti tämä eriarvoisuš näkyy juuri teini-ikäsien kešen .
Šuojeluna tämmösistä vuarallisista harraššukšista opaštajat ehotetah , jotta vanhemmat ei ainuoštah rajotettais lapšien oluo internetissä ta tarkissettais , mimmosilla saittiloilla hyö käyväh , ka löyvettäis internetillä arvosan korvuamisen jatkuvašša yhtevyöššä teini-ikäsen kera šekä hänen ošallistumisella tovelliseh eikä virtualiseh elämäh .
Tuliko Kalevalah “Šinivalaš”?
карельский: собственно карельское наречие
Новописьменный севернокарельский