ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Tule kirjuttamah šaneluo!

Tule kirjuttamah šaneluo!

карельский: собственно карельское наречие
Новописьменный севернокарельский
Karjalan Rahvahan Liitto kuččuu kirjuttamah karjalankielistä šaneluo 2017. Aktijon tarkotuš on tarkistua omua kielitaituo, lisätä karjalan kielen opaštujien joukkuo ta leventyä karjalan kielen käyttämisrajoja. Petroskoissa šaneluo kirjutetah karjalan ta vepšän kirjakielen päivänä, 20. šulakuuta Petroskoin valtijonyliopiston piäräkennukšen huonehešša 361 klo 11.30 Još työ elättä Karjalan piirilöissä tahi tašavallan ulkopuolella, niin voitta kirjuttua šaneluo paikallisen koulun, Etnokulttuurikeškukšen tahi klubin tiloissa. Pyyvvämmä näijen laitokšien johtajie kannattua tätä tapahtumua ta auttua šen järještämistä. Kučumma karjalan kielen opaštajie kirjuttamah šaneluo omien opaštujien kera.

Karjalan Rahvahan Liitto järještäy tätä aktijuo jo nellättä vuotta. Joka vuosi tapahtuman ošanottajie vain lisäytyy. Viime vuotena šaneluo kirjutettih Aunukšen, Šuojärven, Priäžän, Onegarannan, Segežan, Kalevalan ta Louhen piirilöissä, Koštamukšešša ta Petroskoissa šekä Šuomešša. Šanelun kirjuttamiseh otti ošua yli 230 ihmistäkoululaisie tai aikuhisie. Tietuo aktijošta on julkaistu tašavallan paperi- ta šähkölehtilöissä šekä Venäjän šuomelais-ugrilaisissa viessintävälinehissä ta sosialiverkkoloissa.

Tänä vuotena myö kirjutamma šaneluo karjalan kielen kolmella murtehellavienakši, livviksi ta lyydiksi. Meijän partn’oriloina ollah Karjalan tašavallan kanšallisušpolitiikan ministerijö, KT:n opaššušministerijö, KT:n koulutukšen kehittämisen instituutti. Ken tahtou kirjuttua šaneluo meijän kera yheššä...

Elkyä varakkua, tekstit ei olla kovin vaikiet! Liittykkyä tähä aktijoh! Kannattakkua karjalan kieltä!