Тексты
Вернуться к списку | редактировать | удалить | Создать новый | История изменений | Статистика | ? Помощь
Anna Deš. Oikeinkirjuttamini on muotissa
Anna Deš
Oikeinkirjuttamini on muotissa
карельский: собственно карельское наречие
Новописьменный севернокарельский
Totalini šanelu piettih
ympäri Venäjyä 8.šulakuuta
– Kenkänä ei pakota kirjuttamah oman oikien nimen kirjutušruatoh .Tämä on miušta tärkie asie , šentäh kun ihmini ei čuipottele eikä varaja , jotta muut šuahah tietyä , mitein hiän kirjutti .
– Joka kaupunkissa , missä šaneluo vietetäh , on korkietašoni ammatillini tarkissuškomiisi , kumpasen piämieš on ammatillini opaštaja-filologi .
– Totalista šaneluo pietäh kerran vuuvvešša kaikissa kaupunkiloissa ta kylissä šamana päivänä miärättyh aikah (ottaen huomijoh aikaeron ).
Aktijon kaikki ošallistujat kirjutetah šamua tekstie .Kaikissa šaneluissa on šama miärätty järješšyš .Kaikissa kaupunkiloissa tarkissuškomiisit tarkissetah ruatoja yhtehisien kriterien mukah .
Totalini šanelu on jokavuotini koulutušaktijo , kumpaista vietetäh Venäjällä ta muissa maissa 2004 vuuvvešta alkuan .Šiih voijah ošallistuo kaikki halukkahat .Aktijo vietetäh šanelumuotosena , tavallisešti venäjän kielellä (muillaki kielillä ).
Aktijon tarkotukšena on näyttyä kaikilla , jotta jokahisen pitäy olla lukuta kirjutuštaitosena , tovistua ihmisillä , jotta omua kieltä pitäy oppie ta tietyä .Meijän nykyelämäššä ihmiset ei kiinitetä huomijuo omih virkkehih pakinašša , viestilöissä , kirjasissa .Pitäy rutompah kertuo mitänih , kirjuttua tmš .Nuoret pietäh yhteyttä toini toisen kera netissä kirjuttamalla viestijä eikä kovin välitetä virheistä .Tämä virtualini lukutaijottomuš šynnyttäy yleistä lukutaijottomutta , myö unohamma oman kielen .
Totalisen šanelun deviisi on “Kirjuttua oikein on muotissa !”.Vet mi vielä voipi vaikuttua nuorisoh niin hyvin ta tehokkahašti , kuin muoti ?Venäjän kieli on yksi vaikeimmista muajilman kielistä , vain šen oppimini on mukavua ta hyövyllistä .
VÄHÄN ISTORIJUA
Šanelun ideja šynty Novosibirskin valtijonyliopistošša 2000-luvun alušša opaštujien klubissa .Enši kertua šanelu piettih Novosibirskin valtijonyliopistošša Humanistisen tietokunnan päivät -tilaisuon puittehissa 11.kevätkuuta 2004.
Enšiksi järještäjät käytettih venäläisien klassikkojen tekstijä , vain šiitä mobiilinetti tuli yleiskäyttöh ta järještäjät ymmärrettih , jotta ihmiset voijah löytyä ne tekstit netistä ta kirjuttua niijen mukah .Še ei ole rehellistä eikä näytä ihmisen oikieta lukuta kirjutuštaijon tašuo .Šentäh piätettih šaneluo varoin luuvva uušie tekstijä , kumpasie ei ole julkaistu missänä eikä niitä voi löytyä netistä ennein šaneluo .
Enšimmäisen tekstin šaneluo varoin kirjutti Boris Strugatski .Nyt tekstien kirjuttajina ollah runoilijat , kirjuttajat , julkaisijat , filosofit , kirjallisuon tutkijat .Alušta šanelutekstijä luvettih yliopiston opaštajat .Šiita ruvettih kuččumah erilaisie tuttuja artistoja , jotta šuaha enemmän ihmisie ta tiijotušvälinehie kiinnoštumah täštä aktijošta .
Virallisien tietojen mukah 2016 vuotena oli 2185 kirjuttamiskenttyä , 145000 ošallistujua kirjutti šitä online ta offline .Virallisilla nettišivuilla on esitetty šanelun kartta , missä šitä kirjutettih .
ŠANELU 2017
Tänä vuotena totalista šaneluo kirjutettih 8.šulakuuta klo 14.00.Šanelutekstin kirjuttajana tällä kertua oli Leonid Juzefovič .Hiän kirjutti pienen essen Permistä , Ulan-Udešta ta Piiteristä .Tällä kertua šaneluo piettih 2852 kentällä : korkiekouluissa , kouluissa , teatteriloissa , musejoissa , kulttuurikeškukšissa .Lentokonehien ta junien matkuštajat niise oli voitu kirjuttua šaneluo .Šanelun kirjuttamini oli järješšetty S7 Airlines -lentoyritykšen kymmenellä reissulla šekä kolmešša junašša .
Petroskoissa toimi 11 kenttyä , missä oli voinun kirjuttua šaneluo .Šitä kirjutettih Petroskoin valtijonyliopistošša , Ammattiliittojen talošša , Lomonosovin gimnasijašša , Kanšallisešša kirjaštošša , Akatemisešša lysejošša , Deržavinin lysejošša , kouluissa nro 12, 35, 34.Lisäkši halukkahat voitih kirjuttua šaneluo virallisella šivuštolla onlinetilašša .Kaikki tiijot voit šuaha šamalta šivulta .On mukava šuaha tietyä , kuin hyvä on oma kielitaitotašo ta mimmoset on šanelun tulokšet .
No , a ne , ket halutah tarkistua karjalan kielen kielitaijon tašuo , voijah tulla kirjuttamah karjalankielistä šaneluo .
Oikeinkirjuttamini on muotissa
карельский: собственно карельское наречие
Новописьменный севернокарельский
–