ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Varghuz' zooparkas

Varghuz' zooparkas

вепсский
Младописьменный вепсский
Marko Rice om mail’man tetab ecii. Hän voib ozaita miččen taht ozoitesen da kaikid jügedamban pahan tegon, löuta kaikid nügemban pahantegijan. Necen lehtesen nomeras om kaks’ detektivstarinad, miččiš melekaz ecii kebnas om löudnu pahantegijoid. Void-ik sinä ozaita nene ozoitesed da mugažo löuta pahantegijan kebnašti?

Oli zooparkan jäl’gmäine radčas. Kävujad jo hilläšti läksiba zooparkan verajidennoks, kut äkkid kului kidastuz. Ühtel vanhal naižel kadoi čoma sumk. Naine ehti nägištada poiš joksijan mehen sel’gän. Sid’-žo mehen jäl’ghe tacihe tetab ecii Marko Rice, kudamb mugažo oli sil päiväl zooparkas. Hänenke ühtes läksi üks’ kävui, kudamb oli sanunu, miše tedab zooparkan kaikid peitsijoid. Mehed tarkišteliba kaiken zooparkan ühtes, no pahantegijad ei olend nikus. Mända poiš zooparkaspäi vargaz ei voind, sikš ku vaiše päverajad oli avaitud, no sigä varjoičiba policiimehed.
Marko Rice om jo meletanu, miše mez’-abunik manitab händast. Voib olda, mez’ om pahantegijan abunik da nügüd’ tahtoib peitta kaikid pahan tegon jäl’gid. No sid’-žo nece meletuz kadoi. Ecii homaiči ühten tärktan azjan, mitte abuti löuta pahantegijan.

Vastuz: Üks’ zooparkan radnik sötab zebrad lihal, no hänele pidab teta, miše zebr om kazvmuzsöi živat. Nece mez’ om vargaz.