ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Elina Potapova. On hengis kieli tuattoloin

Elina Potapova

On hengis kieli tuattoloin

карельский: ливвиковское наречие
Новописьменный ливвиковский
Mennyt kolmanpiän Anuksen kirjasto oli täyzi lastu, kuduat tuldih ozuttamah omii neroloi kerdojen runoloi suomelas-ugrilazil kielil. Runokilbu nimelOn hengis kieli tuattoloinpietäh jo 16. kerdua. Tämänkerdaine kilbu omistettih Karjalan tazavallan päiväle, kuduadu pietäh kezäl Anukses.
Pidoh yhtyi piäl 80 školaniekkua da päivykodiloin kazvattajua Anukses, Mägriäl, Tuuksis, Priäžäs, Kotkatjärvel, Riipuškalas da Videlespäi. Petroskoin školan No 2 opastujat ei voidu piästä Anukseh, ga edukädeh työttih kilbah videot. Täl kerdua lapset lugiettih runoloi karjalan da suomen kielel. Hyö vallittih karjalazien runoniekoin tevoksii: Vladimir Brendojevan, Zinaida Dubininan, Tamara Ščerbakovan, Tatjana Baranovan da toizien.
Tänävuon arvostelijoin joukkoh kuuluttih: Valentina Kondratjeva, Tatjana Romanova, Zinaida Dubinina, Tamara Ščerbakova da Vladimir Lukin. Arvostelijat merkittih lapsien hyviä karjalan kielen taiduo da artistuneruo. Kaikile rodih mieldy myö se, ku runokilbah yhtyi muga äijy lastu. Arvostelijoile oli jygei vallita voittajii, sendäh ku enimät lapset lugiettih runoloi korgiel tazol. Konzu arvostelukundu oli valliččemas parahii lugijoi, lapsih niškoi piettih vessel kiža da kerrottih muinazis karjalazis bovis. Anuksen päivykoin kazvattajat ozutettih pieni suarnu-ozutelmu.
Tavan mugah kilvas oli kolme igäjoukkuo: 3-7 -vuodehizet lapset, 8-11 -vuodehizet lapset, 12-17 -vuodehizet lapset. Nuorin kilbuniekku oli 3-vuodine Bogdan Kurbanov, kudai rohkieh lugi runon karjalan kielel da sai täs erillizen lahjan.

Enzimäzen igäjoukon voittajat ollah:
1. sijaJekaterina Gagarina, 6 vuottu, Kotkatjärvi;
2. sijaDarja Lapteva, 7 vuottu, Anus;
3. sijaVeronika Bogdanova, 6 vuottu, Priäžy.

Toizen igäjoukon voittajat ollah:
1. sijaArsenii Ivanov, 9 vuottu, Anus;
2. sijaFrol Kabanov, 11 vuottu, Anus;
3. sijaNikolai Firsov, 11 vuottu, Kotkatjärvi.

Kolmanden igäjoukon voittajat ollah:
1. sijaLidija Kalinina, 13 vuottu, Videl;
2. sijaValerija Grafova, 15 vuottu, Anus;
3. sijaSofja Fadejeva, 12 vuottu, Anus.

Paiči sidä lapsii arvostettih viijes nominatsies: “Karjalan kielen suvaičus”, “Innostus”, “Ezittäjän nero”, “Kuvada uuzi nominatsiiOlemmo suomelas-ugrilazet”. Kai nominantat da voittajat suadih kiitoskirjazet da lahjat. Sidä paiči, kolme lastu sai Kiži-muzein erillizet lahjat. Kezäkuus Lidija Kalinina, Sofja Fadejeva da Arsenii Ivanov lähtietäh matkah Kižin suarele. Heijän kel yhtes lähtöy Anuksen kirjaston ruadai Galina Fedulova, kudai sežo sai matkan sertifikuatan.
Runokilvan aigua palkittihgi lapsii, kuduat yhtyttih Täs synnyinrannan minun algu -nimizeh čomazien kilbah. Lapset piirustettih omii kodiloi da Karjalan luonduo, karjalazien suarnoin urholoi da muudu. Kai ruavot roittih omaluaduzet da čomat. Net suau nähtä pienes ozuttelus kirjaston tilois. Kirjaston ruadajat mielihyväl kučutah lapsii da vahnembii gostih.