ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Iro Joki. Pajuntaimen kašvo turpiekši starinapuukši

Iro Joki

Pajuntaimen kašvo turpiekši starinapuukši

карельский: собственно карельское наречие
Новописьменный севернокарельский
Maikki Spitsinan kokoelmašša on 70 muajilman eri kanšojen starinua agigejalaisista alkuan vietnamilaisih šuaten. Kirja on kakšikielini, karjalan ta venäjän kielet kuletah rinnakkah.

Afrikkalaisen hiirenpojan kos’s’onta, unkarilaisien kontienpoikasien šeikkailuja, Kintahan miehien viisahuš, šakšalaisen piiruan pakenomininäistä ta monista muista šeikoista voit lukie nyt karjalakši. Uuvven vuuvven uattona Periodikakuštantamošša ilmešty Pajuntaimen-
starinakokoelma, mih on kerätty 44 kanšan šuarnua.
KipinäntaOman Muantoimittaja Maikki Spitsina keräsi näitä starinoja ta kiänti vienankarjalakši.
Starinalla on aina ollun paikka kiäntäjän šyväimeššä. Monešta šyyštä mie tykkyän starinojen ihmehmuajilmua jo pieneštä šuaten, kerto Maikki Spitsina. Miun juuret ollah vanhašta Vuokkiniemen runokyläštä, kumpaista vielä Elias Lönnrot šano laulumuakši. Vuokkiniemeššä eli miun ämmö Santra Remšujeva, tunnettu starinankertoja. Hiän Piiruššukšet Margarita Jufa joka ilta laulo miula vanhoja runoja ta kerto kummallisista šeikkailuista, konša mie lapšena olin ämmöläššä kešälomalla. A miun muamoni Raisa Remšujeva ruato folkloristina ta meilä koissa oli kokonaini škuappi eri kanšojen starinakirjoja. Luvin mielellänä niitä monta kertua.
Maikki Spitsina alko kiäntyä erimoisie kertomukšie ta starinoja pedagogisešša yliopistošša ruatuas’s’a, šentäh kun kirjallisutta ta oppikirjoja karjalan kielen tuntija varoin oli vähän. Šiitä kiäntämistyö jatku Vienan Karjala -leheššä, konša starinoja tarvičči jo lapšienšivuo varoin.
Vuosien mittah tekstijä keräyty melkein šata ta miula tuli mieleh panna niistä parahat yhen kokoelman kanših, jatko kiäntäjä.
Šuarnojen šuurin oša oli painettu Vienan Karjala -leheššä vuuvvešta 2000 alkuan. Šamoin monie niistä painettihKipinäššätaOmašša Muaššašekä käytettih karjalan kielen oppikirjoissa.
Pajuntaimenon šuuri ta hyvin kaunis kirja. Starinakokoelman kuvittajana on nuori taiteilija Helli-Maria Palmgren. Hänen lapšien mallissa piiruššetut kuvat autetah lukijua čukeltua mukavah starinamuajilmah, missä on kaikenmoisie ihmehie, šeikkailuja ta eriskummallisie tapahtumie.
Kiäntäjän šanojen mukah, uuši starinakirja tuli hänellä parahakši uuvvenvuuvven lahjakši. Maikki Spitsina toivou, jotta kokoelma miellyttäy lukijie.