ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Ol’ga Žukova. Kut heinäd tehtihe

Ol’ga Žukova

Kut heinäd tehtihe

вепсский
Младописьменный вепсский
Ende küläs pidetihe äi živatoid: lehmid, heboid da lambhid. Sikš päradon kezal oli heinäntego. Se zavodihe heinkus, konz hein om jo hüvin kaznu, i om läm , miše sidä kuivatada. Heinäd tehtihe muga: noustas aigoiš homendesel, i kudei om kaste, mändas nitmaha. Nitüd voiliba olda edahan, siloi lähttihe heinäle kogonaižeks päiväks. Kastkenke vikatehed (vai litoukad) paremba čapaba. Kaste lopiše i radnikad ištusoiš murginale. Vähäižen lebaitas, ottas haravod kädehe i haravoitas heinäd lainhuzile (valoihe). Kuivatadas ühten polen, eskai kätas toižele polele i möst kuivatadas. Sid’ keratas satoihe i jättas.
Toižel päiväl tuldas i levitadas satod. Kuivatadas ühten polen, jäl’ghe kätas haravoil toižele polele. Konz om čomapoud, hein hüvin kuivab. Vepsläižed sanuiba, miše heinäd tegeb”.
Kuivad heinäd zavodidas panda kegoho. Ezmäi tehtas kegonsija: pandas male barboid, kaluid i püštutadas sovanmugoman pit’kän kalun. Ümbri sovas pandas kuivatadud heinäd. Üks’ mez’ seižub kegon päl i peksab heinäd. Hän kucusepänik” – kegonpeksii. Toine mez’ lendab heinäd ülähäks kegoho hangol. Hän om kegonpanii. Kaik toižed radnikad haravoičeba heinäd, otaba saton jäl’gid. Edemba venujad heinäd kandištas kegonnoks sabilahil. Miše kego ei veriži bokale, ümbri siš pandas tuged. Konz kego om vaumiž, sen päle pandas kahačun (sidotud ühthe kaks’ pit’käd barbad). Muga kego seižuškandeb tal’vehesai, konz sidä todas tanhale živatoile sömäks.