Тексты

Вернуться к списку | редактировать | удалить | История изменений | ? Помощь

Kuivruaht

Корпус: диалектные тексты

Севернолюдиковский (кондопожский)

Информант(ы): Прокопьев Николай Семёнович, 1922, Ковкойсельга (Koukoisel’g), Кондопожский район, Республика Карелия
Прокопьева Лидия Ивановна, 1927, Ковкойсельга (Koukoisel’g), Кондопожский район, Республика Карелия
место записи: Гирвас, Кондопожский район, Республика Карелия, г. записи: 1984
записали: Баранцев Александр Павлович

Источник: Образцы карельской речи. I. Говоры Республики Карелии, тихвинских и тверских карел, (1994), с. 354-355
ф/архив ИЯЛИ КарНЦ РАН: №2811/5

Kuivruaht
(карельский: людиковское наречие)

Nu a ruahto kui kuivattih. Vai ei pide kuivanutte nügii?

Kuivan e ende. Meihe suoi d’o. Ku oli konz, d’o matuška roskažii, što l’ehmas konz e pidettii äi lehmit kakšin kol’mi vot i ruahtod äi. Kuivatti se luoditaa muiged maid e, vot prostokiš rodizoo. Šiit se viluu. Viedaa. Nu (kuai) vilu nügü e, ei olnu holodil’n’ikoid da kuaržinaa. Kuss roinito šiga kuaržinaa. Nu vot kuaržinah panda se prostokiš vilustuu. I kuivataa ruohtot. I pandaa. Šeguitettaa šiid, on hüvä hüvä d’al oli fkusnii. Vet sentiä vai kuivattii. Kuivattii. Special’no muiged maid luadittii.

Voi azuttih iče ičeh niškuoi vai müödih?

E void ei d’o müödü. Dai lapšil’e ei antu.Ka pühänpäin ninga striäpitaa ka. Pühänpäin se kui d’alo šüötetaa, a šiid d’oi ikonomi. Net se piti vit’ s’akijat pühänpäin i kalittad tuoditaa vie nal’ifkoit e. Kaikked. A enzimaa ku zavoditaa, pandaa päččii. L’eib luaditaa ka l’eip. Buha- mäküškät. A šiid i kurnikad vähäižekš šiid otetaa. Šiid vasto kalitat bistro paštettii. A šiid vie piiragoit kuni paštetaa da toižed da kosijoid da. Vot pruozikan šüöt. Pühünpäin. Skan’čat, kürzät. Vot šihi kai mändäv voit. Opi vai d’oga voida ka mii mänoo. A konk ol’ vähä, lehmäl maidod da purehtot. Ka mugai voittii. S’orouno proidii.