ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Uljana Tikkanen. Kavotettu muajilma

Uljana Tikkanen

Kavotettu muajilma

карельский: собственно карельское наречие
Новописьменный севернокарельский
Yksi kaunehimmista Karjalan paikoistaPuanajärven kanšallini puisto tänä vuotena täyttäy 25 vuotta.
Kavotettu muajilma -nimini näyttely on järješšetty ekologija-vuuvven puittehissa. Še on merkittävä tapahtuma kaikilla luonnonšuojelualovehilla. Näyttelyššä on kolme ošua: mualaukšet, grafikka ta valokuvat. Joka oša avuau puiston muajilman omalta puolelta. Valokuvat näytetäh luontuo, ka Puanajärveššä tutkitah ta šäilytetäh šamoin niijen paikkojen istorijua. Šiitä kerrotah vanhat arhiivoista kerätyt valokuvat. Ne kerrotah niistä ajoista, konša puiston alovehella elettih rahvaš ta niijen elämäntavoista.
Vuosišatoja takaperin Puanajärven luonto ta maisemat innoššettih valokuvuajua I. K. Inhua. Šitä ennein vuotena 1892 Puanajärveššä kävi kuvataiteilija Akseli Gallen-Kallela, hänen matkuštamisen jälkeh muajilma šai nähä Puanajärven maisemien tauluja.
Nytki Puanajärveššä aina käyväh kuvataiteilijat, valokuvuajat, runoilijat.
Luonto muanittau luovie ihmisie ta herättäy heissä tuntehie, kumpasie hyö esitetäh omissa tevokšissa. Kaikkeh šiih šuau tutuštuo täššä näyttelyššä, kerto Puanajärven johtajan šijahini Natalja Bižon.
Vuotena 2016 puistošša piettih projektiviisitoista kuvataiteilijua Venäjän luoteis-ošan eri kaupunkiloista ta Šuomešta mualattih puiston kaunehie luonnon maisemie. Šuurimman ošan projektin aikana mualatuista tauluista ta otetuista valokuvista šuau nähä uuvvešša näyttelyššä.
Näyttely on auki 21. oraškuuta šuaten. Enšiarkina ta Voitonpäivänä näyttelyšali on kiini. Šen lisäkši näyttelyn puittehissa pietäh muasteri-oppija lapšilla. Niijen aikana lapšilla kerrotah puistošta ta opaššetah piiruštamah. Näyttely kiinnoštau kaikkie. Ken ei ole vielä käynyn puistošša, varmašti näyttelyn jälkeh tahtou lähtie šinne, a ken oli jo aikasempah vieraillun šielä, piättäy matkuštua Puanajärveh uuvveštah.