Тексты
Вернуться к списку | редактировать | удалить | Создать новый | История изменений | Статистика | ? Помощь
Natto Varpuni. Oppivuosi takana
Natto Varpuni
Oppivuosi takana
карельский: собственно карельское наречие
Новописьменный севернокарельский
Karjalan
kielen kurššien opaššušvuosi 2016–2017 loppu .Tavan mukah Karjalan Rahvahan Liitto järješti opaštujilla pruasniekkaillačun , kumpasen aikana paistih opaššukšen tulokšista , esitettih karjalaista kulttuurie ta juattih tovissukšet .Jo toista vuotta kurššien loppuillačču pietäh Karjalan Kielen Kojin tiloissa Vieljärveššä .
Paikan piällä tultuo petroskoilaiset vierahat enšin juotih čäijyö , šyötih piirakkua šekä kačottih Karjalan Kielen Kotie ta šen lähellä olijua rantua .
Ne , ket viime vuotena käytih Vieljärveššä kurššien loppuillačušša , tovissettih , jotta männyön vuuvven aikana Koissa äijä mitä on muuttun .Kaikki ihaššuttih , kun nähtih uuvvet rappuset , mit viijäh toisella kerrokšella .
Illačun alušša Kojin emäntä Nina Barmina kerto lyhyöšti Karjalan Kielen Kojin istorijašta ta niistä projektiloista , mit Koissa toteuvutah tällä hetkellä .
Šiitä Kojin teatteriryhmä esitti omua uutta näytelmyä “Šeiččemen tähtie ”.Näytelmä oli karjalan kielellä .Ei jokahini kurššilaini malttan hyvin artistojen karjalankielistä pakinua , ka ne , ket maltettih , issuttih itku šilmissä .Esitykšen teema oli niin herkkä ta läheni kaikilla .
Spektaklin jälkeh pakinavuoro šiirty karjalan kielen opaštajilla .Hyö kerrottih omista opaštujista ta annettih heilä tovissukšet .
– Karjalan kielen kurššiloilla myö opaštuma karjalan kielen kirjaimikon , kerto livvin murtehen opaštaja Anastasija Afanasjeva , – kerkisimä opaštuo melkein kaikki šijat , verbien taivutukšet , numerot , adjektiivit , värit .
Meilä oltih erilaiset pakinateemat : ihmisen ulkonäkö ta luonnon piirtehet , ammatit , tervehyš , oma koti , vuuvvenajat , karjalaiset šyömiset , Karjalan luonto .Myö opaštuma kertomah ičeštä , omašta pereheštä , opaštuma kirjuttamah onnitteluja karjalan kielellä .Varšinaisien tuntijen lisäkši ošallistuma erilaisih karjalaisih pitoloih , kävimä Kanšallisešša teatterissa , missä kaččoma karjalankielistä näytelmyä , kirjuttima karjalankielisen šanelun , kävimä Oma Mua-lehen toimitukšešša .
Opaššušvuotena 2016–2017 kurššien opettajina ruattih vienan murtehen opaštaja Jevgeni Karakin šekä livvin murtehen opaštajat Anastasija Afanasjeva , Tatjana Baranova ta Svetlana Kondratjeva .Karjalan Rahvahan Liiton halličukšen piälikkö Natalja Vorobei jako opaštajilla kiitoškirjasie ta lahjoja ta kiitti heitä monivuotisešta hyväštä ruavošta karjalan kielen opettajina , oman kulttuurin kannattajina ta Karjalan Rahvahan Liiton aktivistiloina .
Pruasniekkaohjelman jatkona oli Petroskoin lapšien ta nuorison luomistalon kantelehšoittajan L’udmila Jurjevan esityš .Šiitä lavalla tuli KRL :n Kajahušnuorisoyhtyveh .
– Hyväkši tavakši tulou karjalan kielen kurššien loppuillačun järještämini Vieljärveššä , šano yhtyvehen johtaja Jana Lorvi .
– Täššä meitä hyvin otetah vaštah , täššä myö kuulemma elävyä karjalan kieltä .
Tämmösissä illaččuloissa myö tunnemma , jotta meitä yhistäy rakkahuš karjalan kieleh ta karjalaiseh kulttuurih .On mukava nähä , kuin Karjalan Kielen Koti kašvau .Viime vuotena myö pitimä oman ohjelman ulkolavalla , toista kerrošta ei vielä ollun .Tänä vuotena esiintymä toisen kerrokšen tiloissa .Meijän joukko niise kašvau .Viime vuotena meitä oli täššä vain kakši tyttyö – mie ta Santra Solovjova .Tänä vuotena meitä on kuuši .Karjalan kielen kurššien opaštujat ošallissuttih kaikkih piirileikkih ta kisoih , mitä myö heilä tariččima , hyvällä mielin laulettih častuškoja ta tanššittih meijän kera .
– Karjalan Rahvahan Liiton puolešta šanomma šuuret passipot Karjalan tašavallan Kanšallisušpolitiikan ministerijöllä , kumpani kannatti karjalan kielen kurššien loppuillačun järještämistä , korošti KRL :n halličukšen piälikkö Natalja Vorobei .
– Tämmösissä matkoissa ne , ket opaššutah karjalan kieltä Petroskoissa , šuahah vielä enemmän tietoja karjalaisista ta kačotah , millä karjalaini kylä eläy ta kuin šiinä šäilytetäh ta kehitetäh karjalan kieltä .
Oppivuosi takana
карельский: собственно карельское наречие
Новописьменный севернокарельский